{"kind":"section","lang":"grc","language":"Ancient Greek","title":"Poliorcetica 7","citation":"Aeneas Tacticus, Poliorcetica 7","ref":"7","level":null,"urn":"urn:cts:greekLit:tlg0058.tlg001:7","url":"https://interlinea.aeterna-institute.org/library/greek/aeneas-tacticus/text/7","api":"https://interlinea.aeterna-institute.org/api/v1/library/greek/aeneas-tacticus/text/7","markdown":"https://interlinea.aeterna-institute.org/library/greek/aeneas-tacticus/text/7.md","author":{"name":"Aeneas Tacticus","url":"https://interlinea.aeterna-institute.org/library/greek/aeneas-tacticus"},"work":{"title":"Poliorcetica","url":"https://interlinea.aeterna-institute.org/library/greek/aeneas-tacticus/text","urn":"urn:cts:greekLit:tlg0058.tlg001"},"verse":false,"words":114,"text":"Ὅταν δὲ ἡ χώρα ἐγκάρπως διακέηται μὴ πόρρω ὄντων πολεμίων, εἰκὸς πολλοὺς τῶν ἐν τῇ πόλει περὶ τοὺς ἐγγὺς χώρους διατελεῖν, γλιχομένους τοῦ καρποῦ. τούτους δʼ οὖν εἰς τὴν πόλιν ἀθροίζειν ὧδε χρή. πρῶτον μὲν τοῖς ἔξω ἅμα ἡλίῳ δύνοντι σημαίνειν ἀπιέναι εἰς τὴν πόλιν· ἐὰν δὲ καὶ ἐπὶ πλέον τῆς χώρας ἐσκεδασμένοι ὦσιν, ὑπὸ διαδεκτήρων σημαίνεσθαι, ὅπως πάντες ἢ οἱ πλεῖστοι παραγίγνωνται εἰς πόλιν. ἐπειδὰν δὲ τούτοις σημανθῇ ἀπιέναι, οὕτως τοῖς ἐν τῇ πόλει δειπνοποιεῖσθαι· τὸ δὲ τρίτον σημαίνειν εἰς φυλακὴν ἰέναι καὶ καθιστάναι. ὡς δὲ δεῖ τοῦτο γίγνεσθαι καὶ ὡς αἴρειν τοὺς φρυκτούς, ἐν τῇ Παρασκευαστικῇ βίβλῳ πλειόνως εἴρηται. ὅθεν δεῖ τὴν μάθησιν λαμβάνειν, ἵνα μὴ δὶς περὶ τῶν αὐτῶν γράφειν συμβῇ.","prev":{"citation":"Poliorcetica 6","label":"Chapter 6","url":"https://interlinea.aeterna-institute.org/library/greek/aeneas-tacticus/text/6","api":"https://interlinea.aeterna-institute.org/api/v1/library/greek/aeneas-tacticus/text/6"},"next":{"citation":"Poliorcetica 8","label":"Chapter 8","url":"https://interlinea.aeterna-institute.org/library/greek/aeneas-tacticus/text/8","api":"https://interlinea.aeterna-institute.org/api/v1/library/greek/aeneas-tacticus/text/8"},"credit":{"text":"Aeneas Tacticus, Περὶ τοῦ πῶς χρὴ πολιορκουμένους ἀντέχειν, ed. William Abbott Oldfather. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0058.tlg001.local001/","quality":"proofread"}}