{"kind":"section","lang":"grc","language":"Ancient Greek","title":"In Timarchum 175","citation":"Aeschines, In Timarchum 175","ref":"175","level":null,"urn":"urn:cts:greekLit:tlg0026.tlg001:175","url":"https://interlinea.aeterna-institute.org/library/greek/aeschines/text-4/175","api":"https://interlinea.aeterna-institute.org/api/v1/library/greek/aeschines/text-4/175","markdown":"https://interlinea.aeterna-institute.org/library/greek/aeschines/text-4/175.md","author":{"name":"Aeschines","url":"https://interlinea.aeterna-institute.org/library/greek/aeschines"},"work":{"title":"In Timarchum","url":"https://interlinea.aeterna-institute.org/library/greek/aeschines/text-4","urn":"urn:cts:greekLit:tlg0026.tlg001"},"verse":false,"words":82,"text":"μηδενὶ δὴ τρόπῳ καθʼ ὑμῶν αὐτῶν γέλωτα τῷ σοφιστῇ καὶ διατριβὴν παράσχητε, ἀλλʼ ὑπολαμβάνεθʼ ὁρᾶν εἰσεληλυθότα ἀπὸ τοῦ δικαστηρίου οἴκαδε καὶ σεμνυνόμενον ἐν τῇ τῶν μειρακίων διατριβῇ, καὶ διεξιόντα, ὡς εὖ τὸ πρᾶγμα ὑφείλετο τῶν δικαστῶν· ἀπαγαγὼν γὰρ αὐτοὺς ἀπὸ τῶν περὶ Τίμαρχον αἰτιῶν, ἐπέστησα φέρων ἐπὶ τὸν κατήγορον καὶ Φίλιππον καὶ Φωκέας, καὶ φόβους ἐπήρτησα τοῖς ἀκροωμένοις, ὥσθʼ ὁ μὲν φεύγων κατηγόρει, ὁ δὲ κατηγορῶν ἐκρίνετο, οἱ δὲ δικασταί, ὧν μὲν ἦσαν κριταί, ἐπελάθοντο, ὧν δʼ οὐκ ἦσαν, περὶ τούτων ἤκουον.","prev":{"citation":"In Timarchum 174","label":"Section 174","url":"https://interlinea.aeterna-institute.org/library/greek/aeschines/text-4/174","api":"https://interlinea.aeterna-institute.org/api/v1/library/greek/aeschines/text-4/174"},"next":{"citation":"In Timarchum 176","label":"Section 176","url":"https://interlinea.aeterna-institute.org/library/greek/aeschines/text-4/176","api":"https://interlinea.aeterna-institute.org/api/v1/library/greek/aeschines/text-4/176"},"credit":{"text":"Aeschines, Κατὰ Τιμάρχου, ed. Charles Darwin Adams. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0026.tlg001.local001/","quality":"proofread"}}