{"kind":"section","lang":"grc","language":"Ancient Greek","title":"Testimonia 2.319.2","citation":"Anaxagoras, Testimonia 2.319.2","ref":"2.319.2","level":null,"urn":null,"url":"https://interlinea.aeterna-institute.org/library/greek/anaxagoras/testimonia/2.319.2","api":"https://interlinea.aeterna-institute.org/api/v1/library/greek/anaxagoras/testimonia/2.319.2","markdown":"https://interlinea.aeterna-institute.org/library/greek/anaxagoras/testimonia/2.319.2.md","author":{"name":"Anaxagoras","url":"https://interlinea.aeterna-institute.org/library/greek/anaxagoras"},"work":{"title":"Testimonia","url":"https://interlinea.aeterna-institute.org/library/greek/anaxagoras/testimonia","urn":"urn:cts:greekLit:tlg0713.tlg001"},"verse":false,"words":181,"text":"46. Aët. 1, 3, 5 (D. 279) Ἀ. Ἡγησιβούλου ὁ Κλαζομένιος ἀρχὰς τῶν ὄντων τὰς ὁμοιομερείας ἀπεφήνατο. ἐδόκει γὰρ αὐτῶι ἀπορώτατον εἶναι, πῶς ἐκ τοῦ μὴ ὄντος δύναται τι γίνεσθαι ἢ φθεῖρεσθαι εἰς τὸ μὴ ὄν. τροφὴν γοῦν προσφερόμεθα ἄρτην καὶ μονοειδῆ, ἄρτον καὶ ὕδωρ, καὶ ἐκ ταύτης τρέφεται θριξ φλὲψ ἄρθριον σάρξ νεῦρα ὀστὰ καὶ τὰ λοιπὰ μόρια. τούτων οὖν γιγνομένων ὁμολογητέον ὅτι ἐν τῇ τροφῇ τῇ προσφερομένῃ πάντα ἐστὶ τὰ ὄντα, καὶ ἐκ τῶν ὄντων πάντα αὔξεται. καὶ ἐν ἐκείνῃ ἐστὶ τῇ τροφῇ μόρια αἵματος γεννητικὰ καὶ νεύρων καὶ ὀστέων καὶ τῶν ἄλλων· ἃ ἦν λόγῳ θεωρητὰ μόρια. οὐ γὰρ δεῖ πάντα ἐπὶ τὴν αἴσθησιν ἀνάγειν, ὅτι ἄρτος καὶ τὸ ὕδωρ ταῦτα κατασκευάζει, ἀλλ’ ἐν τούτοις ἐστὶ λόγῳ θεωρητὰ μόρια. ἀπὸ τοῦ οὖν ὅμοια τὰ μέρη εἶναι ἐν τῇ τροφῇ τοῖς γεννωμένοις ὁμοιομερείας αὐτὰς ἐκάλεσε καὶ ἀρχὰς τῶν ὄντων ἀπεφήνατο, καὶ τὰς μὲν ὁμοιομερείας ὕλην, τὸ δὲ ποιοῦν αἴτιον νοῦν τὸν πάντα διαταξάμενον. ἄρχεται δὲ οὕτως· ‘ὁμοῦ πάντα χρήματα ἦν, νοῦς δὲ αὐτὰ διέκρινε καὶ διεκόσμησε’, χρήματα λέγων τὰ πράγματα· ἀποδεκτέος οὖν ἐστιν, ὅτι τῇ ὕλῃ τὸν τεχνίτην προσέθεσεν.","prev":{"citation":"Testimonia 2.319.1","label":"2.319.1","url":"https://interlinea.aeterna-institute.org/library/greek/anaxagoras/testimonia/2.319.1","api":"https://interlinea.aeterna-institute.org/api/v1/library/greek/anaxagoras/testimonia/2.319.1"},"next":{"citation":"Testimonia 2.319.3","label":"2.319.3","url":"https://interlinea.aeterna-institute.org/library/greek/anaxagoras/testimonia/2.319.3","api":"https://interlinea.aeterna-institute.org/api/v1/library/greek/anaxagoras/testimonia/2.319.3"},"credit":{"text":"Anaxagoras, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc000201","quality":"ocr"}}