{"kind":"section","lang":"grc","language":"Ancient Greek","title":"Testimonia 2.29.3","citation":"Anaximander, Testimonia 2.29.3","ref":"2.29.3","level":null,"urn":null,"url":"https://interlinea.aeterna-institute.org/library/greek/anaximander/testimonia/2.29.3","api":"https://interlinea.aeterna-institute.org/api/v1/library/greek/anaximander/testimonia/2.29.3","markdown":"https://interlinea.aeterna-institute.org/library/greek/anaximander/testimonia/2.29.3.md","author":{"name":"Anaximander","url":"https://interlinea.aeterna-institute.org/library/greek/anaximander"},"work":{"title":"Testimonia","url":"https://interlinea.aeterna-institute.org/library/greek/anaximander/testimonia","urn":"urn:cts:greekLit:tlg0725.tlg001"},"verse":false,"words":167,"text":"10 [PLUT.] Strom. 2 Dox. 579; aus Theophrast μεθ’ ὃν [Thales] Ἀναξιμάνδρον Θάλητος ἑταῖρον γενόμενον τὸ ἄπειρον φάναι τὴν πᾶσαν αἰτίαν ἔχειν τῆς τοῦ παντὸς γενέσεώς τε καὶ φθορᾶς, ἐξ οὗ δή φησι τοὺς τε οὐρανοὺς ἀποκεκρίσθαι καὶ καθόλου τοὺς ἅπαντας ἀπεῖρους ὄντας κόσμους. ἀπεφήνато δὲ τὴν φθορίαν γίνεσθαι καὶ πολὺ πρότερον τὴν γένεσιν ἐξ ἀπείρου αἰῶνος ἀνακυκλουμένων πάντων αὐτῶν. ὑπάρχειν δὲ φησι τῷι μὲν σχήματι τὴν γῆν κυλινδροειδῆ, ἔχειν δὲ τοσοῦτον βάθος ὅσον ἂν εἴη τρίτον πρὸς τὸ πλάτος. φησὶ δὲ τὸ ἐκ τοῦ αἰδίου γόμμου θερμοῦ τε καὶ ψυχροῦ κατὰ τὴν γένεσιν τοῦδε τοῦ κόσμου ἀποκριθῆναι καὶ τινα ἐκ τούτου φλογὸς σφαῖραν περιφυῆναι τῷι περὶ τὴν γῆν ἀέρι ὡς τῷι δένδρωι φλοιόν· ἧστινος ἀπορραγείσης καὶ εἰς τινας ἀποκλεισθείσης κύκλους ὑποστῆναι τὸν ἥλιον καὶ τὴν σελήνην καὶ τοὺς ἀστέρας. ἔτι φησίν, ὅτι κατ’ ἀρχὰς ἐξ ἀλλοειδῶν ζώιων ὁ ἄνθρωπος ἐγεννήθη ἐκ τοῦ τὰ μὲν ἄλλα δι’ ἑαυτῶν ταχὺ νέμεσθαι, μόνον δὲ τὸν ἄνθρωπον πολυχρονίου δεῖσθαι τιθηγήσεως· διὸ καὶ κατ’ ἀρχὰς οὐκ ἂν ποτε τοιούτον ὄντα διασωθῆναι.","prev":{"citation":"Testimonia 2.29.2","label":"2.29.2","url":"https://interlinea.aeterna-institute.org/library/greek/anaximander/testimonia/2.29.2","api":"https://interlinea.aeterna-institute.org/api/v1/library/greek/anaximander/testimonia/2.29.2"},"next":{"citation":"Testimonia 2.29.4","label":"2.29.4","url":"https://interlinea.aeterna-institute.org/library/greek/anaximander/testimonia/2.29.4","api":"https://interlinea.aeterna-institute.org/api/v1/library/greek/anaximander/testimonia/2.29.4"},"credit":{"text":"Anaximander, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc000207","quality":"ocr"}}