{"kind":"section","lang":"grc","language":"Ancient Greek","title":"De mysteriis 47","citation":"Andocides, De mysteriis 47","ref":"47","level":null,"urn":"urn:cts:greekLit:tlg0027.tlg001:47","url":"https://interlinea.aeterna-institute.org/library/greek/andocides/text/47","api":"https://interlinea.aeterna-institute.org/api/v1/library/greek/andocides/text/47","markdown":"https://interlinea.aeterna-institute.org/library/greek/andocides/text/47.md","author":{"name":"Andocides","url":"https://interlinea.aeterna-institute.org/library/greek/andocides"},"work":{"title":"De mysteriis","url":"https://interlinea.aeterna-institute.org/library/greek/andocides/text","urn":"urn:cts:greekLit:tlg0027.tlg001"},"verse":false,"words":110,"text":"Μάρτυρες φέρε δή, καὶ τὰ ὀνόματα ὑμῖν ἀναγνώσομαι τῶν ἀνδρῶν ὧν ἀπέγραψεν, ἵνʼ εἰδῆτε ὅσους μοι τῶν συγγενῶν ἀπώλλυεν, πρῶτον μὲν τὸν πατέρα, εἶτα δὲ τὸν κηδεστήν, τὸν μὲν συνειδότα ἀποδεικνύς, τοῦ δʼ ἐν τῇ οἰκίᾳ φάσκων τὴν σύνοδον γενέσθαι. τῶν δʼ ἄλλων ἀκούσεσθε τὰ ὀνόματα. καὶ αὐτοῖς ἀναγίγνωσκε. Χαρμίδης Ἀριστοτέλους. οὗτος ἀνεψιὸς ἐμός· ἡ μήτηρ ἡ ἐκείνου καὶ ὁ πατὴρ ὁ ἐμὸς ἀδελφοί. Ταυρέας. οὑτοσὶ ἀνεψιὸς τοῦ πατρός. Νισαῖος. υἱὸς Ταυρέου. Καλλίας ὁ Ἀλκμέωνος. ἀνεψιὸς τοῦ πατρός. Εὔφημος. Καλλίου τοῦ Τηλοκλέους ἀδελφός. Φρύνιχος ὁ Ὀρχησαμενοῦ. ἀνεψιός. Εὐκράτης. ὁ Νικίου ἀδελφός. κηδεστὴς οὗτος Καλλίου. Κριτίας. ἀνεψιὸς καὶ οὗτος τοῦ πατρός· αἱ μητέρες ἀδελφαί. τούτους πάντας ἐν τοῖς τετταράκοντα ἀνδράσιν ἀπέγραψεν.","prev":{"citation":"De mysteriis 46","label":"Section 46","url":"https://interlinea.aeterna-institute.org/library/greek/andocides/text/46","api":"https://interlinea.aeterna-institute.org/api/v1/library/greek/andocides/text/46"},"next":{"citation":"De mysteriis 48","label":"Section 48","url":"https://interlinea.aeterna-institute.org/library/greek/andocides/text/48","api":"https://interlinea.aeterna-institute.org/api/v1/library/greek/andocides/text/48"},"credit":{"text":"Andocides, Περὶ τῶν μυστηρίων, ed. Kenneth John Maidment. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0027.tlg001.local001/","quality":"proofread"}}