{"kind":"section","lang":"grc","language":"Ancient Greek","title":"In novercam 10","citation":"Antiphon, In novercam 10","ref":"10","level":null,"urn":"urn:cts:greekLit:tlg0028.tlg001:10","url":"https://interlinea.aeterna-institute.org/library/greek/antiphon/text-3/10","api":"https://interlinea.aeterna-institute.org/api/v1/library/greek/antiphon/text-3/10","markdown":"https://interlinea.aeterna-institute.org/library/greek/antiphon/text-3/10.md","author":{"name":"Antiphon","url":"https://interlinea.aeterna-institute.org/library/greek/antiphon"},"work":{"title":"In novercam","url":"https://interlinea.aeterna-institute.org/library/greek/antiphon/text-3","urn":"urn:cts:greekLit:tlg0028.tlg001"},"verse":false,"words":82,"text":"διὰ οὖν ταῦτα ἐγὼ βάσανον τοιαύτην ἠθέλησα ποιήσασθαι περὶ αὐτῶν, γράψας ἐν γραμματείῳ ἃ ἐπαιτιῶμαι τὴν γυναῖκα ταύτην. βασανιστὰς δὲ αὐτοὺς τούτους ἐκέλευον γίγνεσθαι ἐμοῦ παρόντος, ἵνα μὴ ἀναγκαζόμενοι ἃ ἐγὼ ἐπερωτῴην λέγοιεν—ἀλλʼ ἐξήρκει μοι τοῖς ἐν τῷ γραμματείῳ χρῆσθαι· καὶ αὐτό μοι τοῦτο τεκμήριον δίκαιον γενέσθαι, ὅτι ὀρθῶς καὶ δικαίως μετέρχομαι τὸν φονέα τοῦ πατρός—εἰ δὲ ἄπαρνοι γίγνοιντο ἢ λέγοιεν μὴ ὁμολογούμενα, ἡ βάσανος ἀναγκάζοι τὰ γεγονότα κατηγορεῖν· αὕτη γὰρ καὶ τοὺς τὰ ψευδῆ παρεσκευασμένους λέγειν τἀληθῆ κατηγορεῖν ποιήσει.","prev":{"citation":"In novercam 9","label":"Section 9","url":"https://interlinea.aeterna-institute.org/library/greek/antiphon/text-3/9","api":"https://interlinea.aeterna-institute.org/api/v1/library/greek/antiphon/text-3/9"},"next":{"citation":"In novercam 11","label":"Section 11","url":"https://interlinea.aeterna-institute.org/library/greek/antiphon/text-3/11","api":"https://interlinea.aeterna-institute.org/api/v1/library/greek/antiphon/text-3/11"},"credit":{"text":"Antiphon, Φαρμακείας κατὰ τῆς μητρυιᾶς, ed. Kenneth John Maidment. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0028.tlg001.local001/","quality":"proofread"}}