{"kind":"section","lang":"grc","language":"Ancient Greek","title":"De audibilibus 21","citation":"Aristotle, De audibilibus 21","ref":"21","level":null,"urn":"urn:cts:greekLit:tlg0086.tlg004:21","url":"https://interlinea.aeterna-institute.org/library/greek/aristotle/text/21","api":"https://interlinea.aeterna-institute.org/api/v1/library/greek/aristotle/text/21","markdown":"https://interlinea.aeterna-institute.org/library/greek/aristotle/text/21.md","author":{"name":"Aristotle","url":"https://interlinea.aeterna-institute.org/library/greek/aristotle"},"work":{"title":"De audibilibus","url":"https://interlinea.aeterna-institute.org/library/greek/aristotle/text","urn":"urn:cts:greekLit:tlg0086.tlg004"},"verse":false,"words":61,"text":"Σαφεῖς δὲ μάλιστα αἱ φωναὶ γίγνονται παρὰ τὴν ἀκρίβειαν τὴν τῶν φθόγγων. Ἀδύνατον γὰρ μὴ τελέως τούτων διηρθρωμένων τὰς φωνὰς εἶναι σαφεῖς, καθάπερ καὶ τὰς τῶν δακτυλίων σφραγῖδας, ὅταν μὴ διατυπωθῶσιν ἀκριβῶς. Διόπερ οὔτε τὰ παιδία δύνανται διαλέγεσθαι σαφῶς, οὔτε οἱ μεθύοντες, οὔτε οἱ γέροντες, οὔθʼ ὅσοι φύσει τραυλοὶ τυχάνουσιν ὄντες, οὔθʼ ὅλως ὅσων εἰσὶν αἱ γλῶτται καὶ τὰ στόματα δυσκίνητα.","prev":{"citation":"De audibilibus 20","label":"Section 20","url":"https://interlinea.aeterna-institute.org/library/greek/aristotle/text/20","api":"https://interlinea.aeterna-institute.org/api/v1/library/greek/aristotle/text/20"},"next":{"citation":"De audibilibus 22","label":"Section 22","url":"https://interlinea.aeterna-institute.org/library/greek/aristotle/text/22","api":"https://interlinea.aeterna-institute.org/api/v1/library/greek/aristotle/text/22"},"credit":{"text":"Aristotle, Ἐκ τοῦ περὶ ἀκουστῶν, ed. Immanuel Bekker. Text: Open Greek and Latin (First1KGreek), via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0086.tlg004.local001/","quality":"proofread"}}