{"kind":"section","lang":"grc","language":"Ancient Greek","title":"Epigrammata 22","citation":"Callimachus, Epigrammata 22","ref":"22","level":null,"urn":"urn:cts:greekLit:tlg0533.tlg004:22","url":"https://interlinea.aeterna-institute.org/library/greek/callimachus/text-2/22","api":"https://interlinea.aeterna-institute.org/api/v1/library/greek/callimachus/text-2/22","markdown":"https://interlinea.aeterna-institute.org/library/greek/callimachus/text-2/22.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":34,"text":"Ἠῷοι Μελάνιππον ἐθάπτομεν, ἠελίου δὲ\nδυομένου Βασιλὼ κάτθανε παρθενικὴ\nαὐτοχερί· ζώειν γὰρ ἀδελφεὸν ἐν πυρὶ θεῖσα\nοὐκ ἔτλη. δίδυμον δʼ οἶκος ἐσεῖδε κακὸν\nπατρὸς Ἀριστίπποιο, κατήφησεν δὲ Κυρήνη\nπᾶσα τὸν εὔτεκνον χῆρον ἰδοῦσα δόμον.","prev":{"citation":"Epigrammata 21","label":"Epigram 21","url":"https://interlinea.aeterna-institute.org/library/greek/callimachus/text-2/21","api":"https://interlinea.aeterna-institute.org/api/v1/library/greek/callimachus/text-2/21"},"next":{"citation":"Epigrammata 23","label":"Epigram 23","url":"https://interlinea.aeterna-institute.org/library/greek/callimachus/text-2/23","api":"https://interlinea.aeterna-institute.org/api/v1/library/greek/callimachus/text-2/23"},"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}