{"kind":"section","lang":"grc","language":"Ancient Greek","title":"Epigrammata 27","citation":"Callimachus, Epigrammata 27","ref":"27","level":null,"urn":"urn:cts:greekLit:tlg0533.tlg004:27","url":"https://interlinea.aeterna-institute.org/library/greek/callimachus/text-2/27","api":"https://interlinea.aeterna-institute.org/api/v1/library/greek/callimachus/text-2/27","markdown":"https://interlinea.aeterna-institute.org/library/greek/callimachus/text-2/27.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":41,"text":"ὤμοσε Καλλίγνωτος Ἰωνίδι μήποτʼ ἐκείνης\nἕξειν μήτε φίλον κρέσσονα μήτε φίλην.\nὤμοσεν· ἀλλὰ λέγουσιν ἀληθέα τοὺς ἐν ἔρωτι\nὅρκους μὴ δύνειν οὔατʼ ἐς ἀθανάτων.\nνῦν δʼ ὁ μὲν ἀρσενικῷ θέρεται πυρί· τῆς δὲ ταλαίνης\nνύμφης ὡς Μεγαρέων οὐ λόγος οὐδʼ ἀριθμός.","prev":{"citation":"Epigrammata 26","label":"Epigram 26","url":"https://interlinea.aeterna-institute.org/library/greek/callimachus/text-2/26","api":"https://interlinea.aeterna-institute.org/api/v1/library/greek/callimachus/text-2/26"},"next":{"citation":"Epigrammata 28","label":"Epigram 28","url":"https://interlinea.aeterna-institute.org/library/greek/callimachus/text-2/28","api":"https://interlinea.aeterna-institute.org/api/v1/library/greek/callimachus/text-2/28"},"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}