{"kind":"section","lang":"grc","language":"Ancient Greek","title":"Epigrammata 33","citation":"Callimachus, Epigrammata 33","ref":"33","level":null,"urn":"urn:cts:greekLit:tlg0533.tlg004:33","url":"https://interlinea.aeterna-institute.org/library/greek/callimachus/text-2/33","api":"https://interlinea.aeterna-institute.org/api/v1/library/greek/callimachus/text-2/33","markdown":"https://interlinea.aeterna-institute.org/library/greek/callimachus/text-2/33.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":39,"text":"Ὡγρευτής, Ἐπίκυδες, ἐν οὔρεσι πάντα λαγωὸν\nδιφᾷ καὶ πάσης ἴχνια δορκαλίδος\nστείβῃ καὶ νιφετῷ κεχρημένος, ἢν δέ τις εἴπῃ\nτῆ, τόδε βέβληται θηρίον, οὐκ ἔλαβεν.\nχοὐμὸς ἔρως τοιόσδε· τὰ γὰρ φεύγοντα διώκειν\nοἶδε, τὰ δʼ ἐν μέσσῳ κείμενα παρπέτεται.","prev":{"citation":"Epigrammata 32","label":"Epigram 32","url":"https://interlinea.aeterna-institute.org/library/greek/callimachus/text-2/32","api":"https://interlinea.aeterna-institute.org/api/v1/library/greek/callimachus/text-2/32"},"next":{"citation":"Epigrammata 34","label":"Epigram 34","url":"https://interlinea.aeterna-institute.org/library/greek/callimachus/text-2/34","api":"https://interlinea.aeterna-institute.org/api/v1/library/greek/callimachus/text-2/34"},"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}