{"kind":"section","lang":"grc","language":"Ancient Greek","title":"Epigrammata 41","citation":"Callimachus, Epigrammata 41","ref":"41","level":null,"urn":"urn:cts:greekLit:tlg0533.tlg004:41","url":"https://interlinea.aeterna-institute.org/library/greek/callimachus/text-2/41","api":"https://interlinea.aeterna-institute.org/api/v1/library/greek/callimachus/text-2/41","markdown":"https://interlinea.aeterna-institute.org/library/greek/callimachus/text-2/41.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":38,"text":"Ἱερέη Δήμητρος ἐγώ ποτε καὶ πάλιν Καβείρων,\nὦνερ, καὶ μετέπειτα Δινδυμήνης\nἡ γρῆυς γενόμην, ἡ νῦν κόνις, ἡ ʼν [ὄτλοις Ἐλευθοῦς]\nπολλῶν προστασίη νέων γυναικῶν.\nκαί μοι τέκνʼ ἐγένοντο δύʼ ἄρσενα, κἠπέμυσʼ ἐκείνων\nεὐγήρως ἐνὶ χερσίν· ἕρπε χαίρων.","prev":{"citation":"Epigrammata 40","label":"Epigram 40","url":"https://interlinea.aeterna-institute.org/library/greek/callimachus/text-2/40","api":"https://interlinea.aeterna-institute.org/api/v1/library/greek/callimachus/text-2/40"},"next":{"citation":"Epigrammata 42","label":"Epigram 42","url":"https://interlinea.aeterna-institute.org/library/greek/callimachus/text-2/42","api":"https://interlinea.aeterna-institute.org/api/v1/library/greek/callimachus/text-2/42"},"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}