{"kind":"section","lang":"grc","language":"Ancient Greek","title":"Epigrammata 45","citation":"Callimachus, Epigrammata 45","ref":"45","level":null,"urn":"urn:cts:greekLit:tlg0533.tlg004:45","url":"https://interlinea.aeterna-institute.org/library/greek/callimachus/text-2/45","api":"https://interlinea.aeterna-institute.org/api/v1/library/greek/callimachus/text-2/45","markdown":"https://interlinea.aeterna-institute.org/library/greek/callimachus/text-2/45.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":43,"text":"ἔστι τι ναὶ τὸν Πᾶνα κεκρυμμένον, ἔστι τι ταύτῃ\nναὶ μὰ Διώνυσον πῦρ ὑπὸ τῇ σποδιῇ·\nοὐ θαρσέω· μὴ δή με περίπλεκε. πολλάκι λήθει\nτοῖχον ὑποτρώγων ἡσύχιος ποταμός·\nτῶ καὶ νῦν δείδοικα, Μενέξενε, μή με παρεισδὺς\nοὗτος ὁ σιγέρπης εἰς τὸν ἔρωτα βάλῃ.","prev":{"citation":"Epigrammata 44","label":"Epigram 44","url":"https://interlinea.aeterna-institute.org/library/greek/callimachus/text-2/44","api":"https://interlinea.aeterna-institute.org/api/v1/library/greek/callimachus/text-2/44"},"next":{"citation":"Epigrammata 46","label":"Epigram 46","url":"https://interlinea.aeterna-institute.org/library/greek/callimachus/text-2/46","api":"https://interlinea.aeterna-institute.org/api/v1/library/greek/callimachus/text-2/46"},"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}