{"kind":"section","lang":"grc","language":"Ancient Greek","title":"Epigrammata 47","citation":"Callimachus, Epigrammata 47","ref":"47","level":null,"urn":"urn:cts:greekLit:tlg0533.tlg004:47","url":"https://interlinea.aeterna-institute.org/library/greek/callimachus/text-2/47","api":"https://interlinea.aeterna-institute.org/api/v1/library/greek/callimachus/text-2/47","markdown":"https://interlinea.aeterna-institute.org/library/greek/callimachus/text-2/47.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":65,"text":"ὡς ἀγαθὰν Πολύφαμος ἀνεύρετο τὰν ἐπαοιδὰν\nτὠραμένῳ· ναὶ Γᾶν, οὐκ ἀμαθὴς ὁ Κύκλωψ·\nαἱ Μοῦσαι τὸν ἔρωτα κατισχναίνοντι, Φίλιππε·\nἦ πανακὲς πάντων φάρμακον ἁ σοφία.\nτοῦτο, δοκέω, χἀ λιμὸς ἔχει μόνον ἐς τὰ πονηρὰ\nτὠγαθόν· ἐκκόπτει τὰν φιλόπαιδα νόσον.\nἔσθʼ ἁμῖν χἄκαστά σʼ ἀφειδέα ποττὸν Ἔρωτα·\nτουτί, παῖ, κείρευ τὰ πτερὰ παιδάριον,\nοὐδʼ ὅσον ἀττάραγόν τυ δεδοίκαμες· αἱ γὰρ ἐπῳδαὶ\nοἴκοι τῶ χαλεπῶ τραύματος ἀμφότεραι.","prev":{"citation":"Epigrammata 46","label":"Epigram 46","url":"https://interlinea.aeterna-institute.org/library/greek/callimachus/text-2/46","api":"https://interlinea.aeterna-institute.org/api/v1/library/greek/callimachus/text-2/46"},"next":{"citation":"Epigrammata 48","label":"Epigram 48","url":"https://interlinea.aeterna-institute.org/library/greek/callimachus/text-2/48","api":"https://interlinea.aeterna-institute.org/api/v1/library/greek/callimachus/text-2/48"},"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}