{"kind":"section","lang":"grc","language":"Ancient Greek","title":"Epigrammata 6","citation":"Callimachus, Epigrammata 6","ref":"6","level":null,"urn":"urn:cts:greekLit:tlg0533.tlg004:6","url":"https://interlinea.aeterna-institute.org/library/greek/callimachus/text-2/6","api":"https://interlinea.aeterna-institute.org/api/v1/library/greek/callimachus/text-2/6","markdown":"https://interlinea.aeterna-institute.org/library/greek/callimachus/text-2/6.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":79,"text":"κόγχος ἐγώ, Ζεφυρῖτι, παλαίτερος ἀλλὰ σὺ νῦν με,\nΚύπρι, Σεληναίης ἄνθεμα πρῶτον ἔχεις,\nναυτίλος ὃς πελάγεσσιν ἐπέπλεον, εἰ μὲν ἀῆται,\nτείνας οἰκείων λαῖφος ἀπὸ προτόνων,\nεἰ δὲ Γαληναίη, λιπαρὴ θεός, οὖλος ἐρέσσων,\nποσσί νί̣?ν , ὥστʼ ἔργῳ τοὔνομα συμφέρεται,\nἔστʼ ἔπεσον παρὰ θῖνας Ἰουλίδας, ὄφρα γένωμαι\nσοὶ τὸ περίσκεπτον παίγνιον, Ἀρσινόη,\nμηδέ μοι ἐν θαλάμῃσιν ἔθʼ ὡς πάρος, εἰμί γὰρ ἄπνους,\nτίκτηται νοτερῆς ὤεον ἁλκυόνης.\nΚλεινίου ἀλλὰ θυγατρὶ δίδου χάριν. οἶδε γὰρ ἐσθλὰ\nῥέζειν καὶ Σμύρνης ἐστὶν ἀπʼ Αἰολίδος.","prev":{"citation":"Epigrammata 5","label":"Epigram 5","url":"https://interlinea.aeterna-institute.org/library/greek/callimachus/text-2/5","api":"https://interlinea.aeterna-institute.org/api/v1/library/greek/callimachus/text-2/5"},"next":{"citation":"Epigrammata 7","label":"Epigram 7","url":"https://interlinea.aeterna-institute.org/library/greek/callimachus/text-2/7","api":"https://interlinea.aeterna-institute.org/api/v1/library/greek/callimachus/text-2/7"},"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}