{"kind":"section","lang":"grc","language":"Ancient Greek","title":"Epigrammata 64","citation":"Callimachus, Epigrammata 64","ref":"64","level":null,"urn":"urn:cts:greekLit:tlg0533.tlg004:64","url":"https://interlinea.aeterna-institute.org/library/greek/callimachus/text-2/64","api":"https://interlinea.aeterna-institute.org/api/v1/library/greek/callimachus/text-2/64","markdown":"https://interlinea.aeterna-institute.org/library/greek/callimachus/text-2/64.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text-2","urn":"urn:cts:greekLit:tlg0533.tlg004"},"verse":true,"words":38,"text":"οὕτως ὑπνώσαις, Κωνώπιον, ὡς ἐμὲ ποιεῖς\nκοιμᾶσθαι ψυχροῖς τοῖσδε παρὰ προθύροις.\nοὕτως ὑπνώσαις, ἀδικωτάτη, ὡς τὸν ἐραστὴν\nκοιμίζεις, ἐλέου δʼ οὐδʼ ὄναρ ἠντίασας.\nγείτονες οἰκτείρουσι, σὺ δʼ οὐδʼ ὄναρ. ἡ πολιὴ δὲ\nαὐτίκʼ ἀναμνήσει ταῦτά σε πάντα κόμη.","prev":{"citation":"Epigrammata 63","label":"Epigram 63","url":"https://interlinea.aeterna-institute.org/library/greek/callimachus/text-2/63","api":"https://interlinea.aeterna-institute.org/api/v1/library/greek/callimachus/text-2/63"},"next":null,"credit":{"text":"Callimachus, Ἐπιγράμματα, ed. A. W. Mair. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg004.local001/","quality":"proofread"}}