{"kind":"section","lang":"grc","language":"Ancient Greek","title":"Epigrammata 18","citation":"Callimachus, Epigrammata 18","ref":"18","level":null,"urn":"urn:cts:greekLit:tlg0533.tlg003:18","url":"https://interlinea.aeterna-institute.org/library/greek/callimachus/text/18","api":"https://interlinea.aeterna-institute.org/api/v1/library/greek/callimachus/text/18","markdown":"https://interlinea.aeterna-institute.org/library/greek/callimachus/text/18.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text","urn":"urn:cts:greekLit:tlg0533.tlg003"},"verse":true,"words":40,"text":"Νάξιος οὐκ ἐπὶ γῆς ἔθανεν Λύκος, ἀλλʼ ἐνὶ πόντωι\nναῦν ἅμα καὶ ψυχὴν εἶδεν ἀπολλυμένην,\nἔμπορος Αἰγίνηθεν ὅτʼ ἔπλεε. χὢ μὲν ἐν ὑγρῆι\nνεκρός, ἐγὼ δʼ ἄλλως οὔνομα τύμβος ἔχων\nκηρύσσω πανάληθες ἔπος τόδε φεῦγε θαλάσσηι\nσυμμίσγειν ἐρίφων ναυτίλε δυομένων.","prev":{"citation":"Epigrammata 17","label":"Epigram 17","url":"https://interlinea.aeterna-institute.org/library/greek/callimachus/text/17","api":"https://interlinea.aeterna-institute.org/api/v1/library/greek/callimachus/text/17"},"next":{"citation":"Epigrammata 19","label":"Epigram 19","url":"https://interlinea.aeterna-institute.org/library/greek/callimachus/text/19","api":"https://interlinea.aeterna-institute.org/api/v1/library/greek/callimachus/text/19"},"credit":{"text":"Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg003.local001/","quality":"proofread"}}