{"kind":"section","lang":"grc","language":"Ancient Greek","title":"Epigrammata 21","citation":"Callimachus, Epigrammata 21","ref":"21","level":null,"urn":"urn:cts:greekLit:tlg0533.tlg003:21","url":"https://interlinea.aeterna-institute.org/library/greek/callimachus/text/21","api":"https://interlinea.aeterna-institute.org/api/v1/library/greek/callimachus/text/21","markdown":"https://interlinea.aeterna-institute.org/library/greek/callimachus/text/21.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text","urn":"urn:cts:greekLit:tlg0533.tlg003"},"verse":true,"words":43,"text":"Όστις ἐμὸν παρὰ σῆμα φέρεις πόδα, Καλλιμάχου με\nἴσθι Κυρηναίου παῖδά τε καὶ γενετήν.\nεἰδείης δʼ ἄμφω κεν· ὃ μέν κοτε πατρίδος ὅπλων\nἦρξεν, ὃ δʼ ἤεισεν κρέσσονα βασκανίης·\nοὐ νέμεσις· Μοῦσαι γὰρ ὅσους ἴδον ὄμματι παῖδας\nμὴ λοξῶι, πολιοὺς οὐκ ἀπέθεντο φίλους.","prev":{"citation":"Epigrammata 20","label":"Epigram 20","url":"https://interlinea.aeterna-institute.org/library/greek/callimachus/text/20","api":"https://interlinea.aeterna-institute.org/api/v1/library/greek/callimachus/text/20"},"next":{"citation":"Epigrammata 22","label":"Epigram 22","url":"https://interlinea.aeterna-institute.org/library/greek/callimachus/text/22","api":"https://interlinea.aeterna-institute.org/api/v1/library/greek/callimachus/text/22"},"credit":{"text":"Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg003.local001/","quality":"proofread"}}