{"kind":"section","lang":"grc","language":"Ancient Greek","title":"Epigrammata 30","citation":"Callimachus, Epigrammata 30","ref":"30","level":null,"urn":"urn:cts:greekLit:tlg0533.tlg003:30","url":"https://interlinea.aeterna-institute.org/library/greek/callimachus/text/30","api":"https://interlinea.aeterna-institute.org/api/v1/library/greek/callimachus/text/30","markdown":"https://interlinea.aeterna-institute.org/library/greek/callimachus/text/30.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text","urn":"urn:cts:greekLit:tlg0533.tlg003"},"verse":true,"words":44,"text":"Θεσσαλικὲ Κλεόνικε τάλαν, τάλαν, οὐ μὰ τὸν ὀξύν\nἥλιον, οὐκ ἔγνων· σχέτλιε ποῦ γέγονας;\nὀστέα σοὶ καὶ μοῦνον ἔτι τρίχες· ἦ ῥά σε δαίμων\nοὑμὸς ἔχει, χαλεπῆι δʼ ἤντεο θευμορίηι;\nἔγνων̀· Εὐξίθεός σε συνήρπασε, καὶ σὺ γὰρ ἐλθών\nτὸν καλόν, ὦ μοχθήρʼ, ἔβλεπες ἀμφοτέροις.","prev":{"citation":"Epigrammata 29","label":"Epigram 29","url":"https://interlinea.aeterna-institute.org/library/greek/callimachus/text/29","api":"https://interlinea.aeterna-institute.org/api/v1/library/greek/callimachus/text/29"},"next":{"citation":"Epigrammata 31","label":"Epigram 31","url":"https://interlinea.aeterna-institute.org/library/greek/callimachus/text/31","api":"https://interlinea.aeterna-institute.org/api/v1/library/greek/callimachus/text/31"},"credit":{"text":"Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg003.local001/","quality":"proofread"}}