{"kind":"section","lang":"grc","language":"Ancient Greek","title":"Epigrammata 31","citation":"Callimachus, Epigrammata 31","ref":"31","level":null,"urn":"urn:cts:greekLit:tlg0533.tlg003:31","url":"https://interlinea.aeterna-institute.org/library/greek/callimachus/text/31","api":"https://interlinea.aeterna-institute.org/api/v1/library/greek/callimachus/text/31","markdown":"https://interlinea.aeterna-institute.org/library/greek/callimachus/text/31.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text","urn":"urn:cts:greekLit:tlg0533.tlg003"},"verse":true,"words":39,"text":"Ὡγρευτὴς Ἐπίκυδες ἐν οὔρεσι πάντα λαγωόν\nδιφᾶι καὶ πάσης ἴχνια δορκαλίδος\nστείβηι καὶ νιφετῶι κεχαρημένος, ἢν δέ τις εἴπηι\nτῆ, τόδε βέβληται θηρίον οὐκ ἔλαβεν.\nχοὐμὸς ἔρως τοιόσδε· τὰ γὰρ φεύγοντα διώκειν\nοἶδε, τὰ δʼ ἐν μέσσωι κείμενα παρπέτεται.","prev":{"citation":"Epigrammata 30","label":"Epigram 30","url":"https://interlinea.aeterna-institute.org/library/greek/callimachus/text/30","api":"https://interlinea.aeterna-institute.org/api/v1/library/greek/callimachus/text/30"},"next":{"citation":"Epigrammata 32","label":"Epigram 32","url":"https://interlinea.aeterna-institute.org/library/greek/callimachus/text/32","api":"https://interlinea.aeterna-institute.org/api/v1/library/greek/callimachus/text/32"},"credit":{"text":"Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg003.local001/","quality":"proofread"}}