{"kind":"section","lang":"grc","language":"Ancient Greek","title":"Epigrammata 42","citation":"Callimachus, Epigrammata 42","ref":"42","level":null,"urn":"urn:cts:greekLit:tlg0533.tlg003:42","url":"https://interlinea.aeterna-institute.org/library/greek/callimachus/text/42","api":"https://interlinea.aeterna-institute.org/api/v1/library/greek/callimachus/text/42","markdown":"https://interlinea.aeterna-institute.org/library/greek/callimachus/text/42.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text","urn":"urn:cts:greekLit:tlg0533.tlg003"},"verse":true,"words":47,"text":"εἰ μὲν ἑκὼν Ἀρχῖνʼ ἐπεκώμασα, μυρία μέμφου,\nεἰ δʼ ἄκων ἥκω, τὴν προπέτειαν ἔα.\nΑκρητος καὶ Ἔρως μʼ ἠνάγκασαν, ὧν ὃ μὲν αὐτῶν\nεἷλκεν, ὃ δʼ οὐκ εἴα τὴν προπέτειαν ἐᾶν.\nἐλθὼν δʼ οὐκ ἐβόησα, τίς ἢ τίνος, ἀλλʼ ἐφίλησα\nτὴν φλιήν· εἰ τοῦτʼ ἔστʼ ἀδίκημʼ, ἀδικέω.","prev":{"citation":"Epigrammata 41","label":"Epigram 41","url":"https://interlinea.aeterna-institute.org/library/greek/callimachus/text/41","api":"https://interlinea.aeterna-institute.org/api/v1/library/greek/callimachus/text/41"},"next":{"citation":"Epigrammata 43","label":"Epigram 43","url":"https://interlinea.aeterna-institute.org/library/greek/callimachus/text/43","api":"https://interlinea.aeterna-institute.org/api/v1/library/greek/callimachus/text/43"},"credit":{"text":"Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg003.local001/","quality":"proofread"}}