{"kind":"section","lang":"grc","language":"Ancient Greek","title":"Epigrammata 46","citation":"Callimachus, Epigrammata 46","ref":"46","level":null,"urn":"urn:cts:greekLit:tlg0533.tlg003:46","url":"https://interlinea.aeterna-institute.org/library/greek/callimachus/text/46","api":"https://interlinea.aeterna-institute.org/api/v1/library/greek/callimachus/text/46","markdown":"https://interlinea.aeterna-institute.org/library/greek/callimachus/text/46.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text","urn":"urn:cts:greekLit:tlg0533.tlg003"},"verse":true,"words":64,"text":"ως ἀγαθὰν Πολύφαμος ἀνεύρετο τὰν ἐπαοιδάν\nτὠραμένωι· ναὶ Γᾶν, οὐκ ἀμαθὴς ὁ Κύκλωψ·\nαἱ Μοῦσαι τὸν ἔρωτα κατισχαίνοντι Φίλιππε·\nἦ πανακὲς πάντων φάρμακον ἁ σοφία.\nτοῦτο, δοκέω, χἀ λιμὸς ἔχει μό͂νον ἐς τὰ πονηρά\nτὠγαθόν· ἐκκόπτει τὰν φιλόπαιδα νόσον.\nἔσθʼ ἁμὶν † χἀκαστὰς ἀφείδεα ποττὸν Ἔρωτα\nτοῦτʼ εἶπαι κείρευ τὰ πτερὰ παιδάριον,\nοὐδʼ ὅσον ἀττάραγόν τυ δεδοίκαμες· αἱ γὰρ ἐπωιδαί\nοἴκοι τῶ χαλεπῶ τραύματος ἀμφότεραι.","prev":{"citation":"Epigrammata 45","label":"Epigram 45","url":"https://interlinea.aeterna-institute.org/library/greek/callimachus/text/45","api":"https://interlinea.aeterna-institute.org/api/v1/library/greek/callimachus/text/45"},"next":{"citation":"Epigrammata 47","label":"Epigram 47","url":"https://interlinea.aeterna-institute.org/library/greek/callimachus/text/47","api":"https://interlinea.aeterna-institute.org/api/v1/library/greek/callimachus/text/47"},"credit":{"text":"Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg003.local001/","quality":"proofread"}}