{"kind":"section","lang":"grc","language":"Ancient Greek","title":"Epigrammata 5","citation":"Callimachus, Epigrammata 5","ref":"5","level":null,"urn":"urn:cts:greekLit:tlg0533.tlg003:5","url":"https://interlinea.aeterna-institute.org/library/greek/callimachus/text/5","api":"https://interlinea.aeterna-institute.org/api/v1/library/greek/callimachus/text/5","markdown":"https://interlinea.aeterna-institute.org/library/greek/callimachus/text/5.md","author":{"name":"Callimachus","url":"https://interlinea.aeterna-institute.org/library/greek/callimachus"},"work":{"title":"Epigrammata","url":"https://interlinea.aeterna-institute.org/library/greek/callimachus/text","urn":"urn:cts:greekLit:tlg0533.tlg003"},"verse":true,"words":79,"text":"κόγχος ἐγὼ Ζεφυρῖτι πάλαι τέρας· ἀλλὰ σὺ νῦν με\nΚύπρι Σεληναίης ἄνθεμα πρῶτον ἔχεις,\nναυτίλος ὃς πελάγεσσιν ἐπέπλεον, εἰ μὲν ἀῆται,\nτείνας οἰκείων λαῖφος ἀπὸ προτόνων,\nεἰ δὲ Γαληναίη, λιπαρὴ θεός, οὖλος ἐρέσσων\nποσσί νιν, ὥστʼ ἔργωι τοὔνομα συμφέρεται,\nἔστʼ ἔπεσον παρὰ θῖνας Ἰουλίδας, ὄφρα γένωμαι\nσοὶ τὸ περίσκεπτον παίγνιον, Ἀρσινόη,\nμηδέ μοι ἐν θαλάμηισιν ἔθʼ ὡς πάρος, εἰμὶ γὰρ ἄπνους,\nτίκτηται νοτερῆισʼ ὤεον ἁλκυονίς.\nΚλεινίου ἀλλὰ θυγατρὶ δίδου χάριν, οἶδε γὰρ ἐσθλά\nῥέζειν καὶ Σμύρνης ἐστὶν ἀπʼ Αἰολίδος.","prev":{"citation":"Epigrammata 4","label":"Epigram 4","url":"https://interlinea.aeterna-institute.org/library/greek/callimachus/text/4","api":"https://interlinea.aeterna-institute.org/api/v1/library/greek/callimachus/text/4"},"next":{"citation":"Epigrammata 6","label":"Epigram 6","url":"https://interlinea.aeterna-institute.org/library/greek/callimachus/text/6","api":"https://interlinea.aeterna-institute.org/api/v1/library/greek/callimachus/text/6"},"credit":{"text":"Callimachus, Ἐπιγράμματα, ed. Ulrich von Wilamowitz-Moellendorff. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0533.tlg003.local001/","quality":"proofread"}}