{"kind":"section","lang":"grc","language":"Ancient Greek","title":"Fragmenta 10","citation":"Charon, Fragmenta 10","ref":"10","level":null,"urn":"urn:cts:greekLit:tlg1258.tlg003:10","url":"https://interlinea.aeterna-institute.org/library/greek/charon/fragmenta/10","api":"https://interlinea.aeterna-institute.org/api/v1/library/greek/charon/fragmenta/10","markdown":"https://interlinea.aeterna-institute.org/library/greek/charon/fragmenta/10.md","author":{"name":"Charon","url":"https://interlinea.aeterna-institute.org/library/greek/charon"},"work":{"title":"Fragmenta","url":"https://interlinea.aeterna-institute.org/library/greek/charon/fragmenta","urn":"urn:cts:greekLit:tlg1258.tlg003"},"verse":false,"words":118,"text":"Λαμψακηνοὶ καὶ Παριανοὶ, περὶ γῆς ὁρίων ἀμφισβητοῦντες, συνέθεντο, ἡνίκα ὄρνιθες ᾄσωσι πρῶτοι, πέμψειν ἄνδρας ἐξ ἑκατέρας πόλεως ἐς ἀλλήλους· ὅπου δ ̓ ἂν οἱ πεμφθέντες ἀπαντήσωσιν, ταῦτα ἔδοξεν, οἱ Λαμψακηνοὶ τῶν ἐν τοῖς τόποις θαλασσουργῶν ἔπεισαν τινὰς, ὅταν ἴδωσι τοὺς Παριανοὺς παριόντας, ἰχθῦς ἀφθόνως ἐπιβάλλειν τῷ πυρὶ, καὶ οἶνον πολὺν ἐπισπένδειν ὡς Ποσειδῶνι θύοντας, καὶ παρακαλεῖν αὐτοὺς μετ ̓ εὐφημίας τιμῆσαι τὸν θεὸν, σπονδῶν κοινωνήσοντας· οἱ μὲν ἁλιεῖς *** (lacunam sic explendam censet Casaubonus, τοῦτ ̓ ἐποίησαν). Οἱ δὲ πεισθέντες τοῖς ἁλιεῦσι συνήσθιον καὶ συνέπινον τὸ σπουδαῖον τῆς πορείας ἀνέντες. Λαμψακηνοὶ δὲ συντείναντες ἐπὶ τὸ Ἑρμαῖον φθάσαντες ἦλθον· τοῦτο δὲ Παρίου μὲν ἀπέχει στάδια οʹ, Λαμψάκου δὲ σʹ· τοσαύτην γῆν ἀπέτεμον τῇ τέχνῃ Λαμψακηνοὶ Παριανῶν, μεθόριον συστησάμενοι τὸ Ἑρμαῖον.","prev":{"citation":"Fragmenta 9","label":"Dfhg-Source dfhg1_CHARON","url":"https://interlinea.aeterna-institute.org/library/greek/charon/fragmenta/9","api":"https://interlinea.aeterna-institute.org/api/v1/library/greek/charon/fragmenta/9"},"next":{"citation":"Fragmenta 11","label":"Dfhg-Source dfhg1_CHARON","url":"https://interlinea.aeterna-institute.org/library/greek/charon/fragmenta/11","api":"https://interlinea.aeterna-institute.org/api/v1/library/greek/charon/fragmenta/11"},"credit":{"text":"CHARON, Fragmenta. Text: Digital Fragmenta Historicorum Graecorum, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg1258.tlg003.local002/","quality":"proofread"}}