{"kind":"section","lang":"grc","language":"Ancient Greek","title":"Eclogae propheticae 7","citation":"Clement of Alexandria, Eclogae propheticae 7","ref":"7","level":null,"urn":"urn:cts:greekLit:tlg0555.tlg005:7","url":"https://interlinea.aeterna-institute.org/library/greek/clement-of-alexandria/eclogae-propheticae/7","api":"https://interlinea.aeterna-institute.org/api/v1/library/greek/clement-of-alexandria/eclogae-propheticae/7","markdown":"https://interlinea.aeterna-institute.org/library/greek/clement-of-alexandria/eclogae-propheticae/7.md","author":{"name":"Clement of Alexandria","url":"https://interlinea.aeterna-institute.org/library/greek/clement-of-alexandria"},"work":{"title":"Eclogae propheticae","url":"https://interlinea.aeterna-institute.org/library/greek/clement-of-alexandria/eclogae-propheticae","urn":"urn:cts:greekLit:tlg0555.tlg005"},"verse":false,"words":69,"text":"Αὐτίκα δι᾿ »ὕδατος καὶ πνεύματος« ἡ ἀναγέννησις, καθάπερ καὶ ἡ πᾶσα γένεσις. »πνεῦμα γὰρ θεοῦ ἐπεφέρετο τῇ ἀβύσσῳ.« καὶ διὰ τοῦτο ὁ σωτὴρ ἐβαπτίσατο μὴ χρῄζων αὐτός, ἵνα τοῖς ἀναγεννωμένοις τὸ πᾶν ὕδωρ ἁγιάσῃ. ταύτῃ τοι οὐ μόνον τὸ σῶμα, ἀλλὰ καὶ τὴν ψυχὴν καθαιρόμεθα. σημεῖον γοῦν τοῦ καὶ τὰ ἀόρατα ἡμῶν ἁγιάζεσθαι τὸ καὶ πνεύματα ἀκάθαρτα συμπεπλεγμένα τῇ ψυχῇ διυλίζεσθαι ἀπὸ τῆς γενέσεως τῆς καινῆς τε καὶ πνευματικῆς.","prev":{"citation":"Eclogae propheticae 6","label":"Chapter 6","url":"https://interlinea.aeterna-institute.org/library/greek/clement-of-alexandria/eclogae-propheticae/6","api":"https://interlinea.aeterna-institute.org/api/v1/library/greek/clement-of-alexandria/eclogae-propheticae/6"},"next":{"citation":"Eclogae propheticae 8","label":"Chapter 8","url":"https://interlinea.aeterna-institute.org/library/greek/clement-of-alexandria/eclogae-propheticae/8","api":"https://interlinea.aeterna-institute.org/api/v1/library/greek/clement-of-alexandria/eclogae-propheticae/8"},"credit":{"text":"Clement of Alexandria, Eclogae propheticae, ed. Otto Stählin. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0555.tlg005.local001/","quality":"proofread"}}