{"kind":"section","lang":"grc","language":"Ancient Greek","title":"Introductio harmonica 11","citation":"Cleonides, Introductio harmonica 11","ref":"11","level":null,"urn":"urn:cts:greekLit:tlg0361.tlg001:11","url":"https://interlinea.aeterna-institute.org/library/greek/cleonides/text/11","api":"https://interlinea.aeterna-institute.org/api/v1/library/greek/cleonides/text/11","markdown":"https://interlinea.aeterna-institute.org/library/greek/cleonides/text/11.md","author":{"name":"Cleonides","url":"https://interlinea.aeterna-institute.org/library/greek/cleonides"},"work":{"title":"Introductio harmonica","url":"https://interlinea.aeterna-institute.org/library/greek/cleonides/text","urn":"urn:cts:greekLit:tlg0361.tlg001"},"verse":false,"words":112,"text":"Τῇ δὲ τοῦ ἀμεταβόλου καὶ ἐμμεταβόλου διοίσει, καθʼ ἣν διαφέρει τὰ ἀπλᾶ συστήματα τῶν μὴ ἁπλῶν. ἀπλᾶ μὲν οὖν ἐστι τὰ πρὸς μίαν μέσην ἡρμοσμένα, διπλᾶ δὲ τὰ πρὸς δύο, τριπλᾶ δὲ τὰ πρὸς τρεῖς, πολλαπλάσια δὲ τὰ πρὸς πλείονας. ἔστι δὲ μέση φθόγγου δύναμις, ᾧ συμβέβηκε κατὰ μὲν διάζευξιν ἐπὶ μὲν τὸ ὀξὺ τόνον ἔχειν ἀσύνθετον (ἀπαθῆ ὄντα τοῦ συστήματος), ἐπὶ δὲ τὸ βαρὺ δίτονον ἢ τριημιτόνιον ἢ τόνον ἀσύνθετον. κατὰ δὲ συναφὴν, ὧ συμβαίνει τριῶν τετραχόρδων συνημμένων ἤτοι τοῦ μέσου ὀξυτάτῳ εἶναι, ἤτοι τοῦ ὀξυτάτου βαρυτάτῳ. (p. 19) ἀπὸ δὲ τῆς μέσης καὶ τῶν λοιπῶν φθόγγων αἱ δυνάμεις γνωρίζονται, τὸ γὰρ πῶς ἔχειν ἕκαστον αὐτῶν πρὸς τὴν μέσην φανερῶς γίνεται.","prev":{"citation":"Introductio harmonica 10","label":"Section 10","url":"https://interlinea.aeterna-institute.org/library/greek/cleonides/text/10","api":"https://interlinea.aeterna-institute.org/api/v1/library/greek/cleonides/text/10"},"next":{"citation":"Introductio harmonica 12","label":"Section 12","url":"https://interlinea.aeterna-institute.org/library/greek/cleonides/text/12","api":"https://interlinea.aeterna-institute.org/api/v1/library/greek/cleonides/text/12"},"credit":{"text":"Cleonides, Εἰσαγωγὴ ἁρμονική, ed. Karl von Jan. Text: Open Greek and Latin (First1KGreek), via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0361.tlg001.local001/","quality":"proofread"}}