{"kind":"section","lang":"grc","language":"Ancient Greek","title":"De lapide philosophorum 14","citation":"Comarius, De lapide philosophorum 14","ref":"14","level":null,"urn":"urn:cts:greekLit:tlg2632.tlg001:14","url":"https://interlinea.aeterna-institute.org/library/greek/comarius/text/14","api":"https://interlinea.aeterna-institute.org/api/v1/library/greek/comarius/text/14","markdown":"https://interlinea.aeterna-institute.org/library/greek/comarius/text/14.md","author":{"name":"Comarius","url":"https://interlinea.aeterna-institute.org/library/greek/comarius"},"work":{"title":"De lapide philosophorum","url":"https://interlinea.aeterna-institute.org/library/greek/comarius/text","urn":"urn:cts:greekLit:tlg2632.tlg001"},"verse":false,"words":107,"text":"Ἰδοὺ τὸ μυστήριον τῶν φιλοσόφων, καὶ περὶ αὐτοῦ ἐξώρκισαν ὑμῖν οἱ πατέρες ἡμῶν τοῦ μὴ ἀποκαλύψαι αὐτὸ καὶ δημοσιεῦσαι, θεῖον ἔχον τὸ εἶδος, θείαν καὶ τὴν ἐνέργειαν· θεῖον γάρ ἐστιν, ὅτι ἑνούμενον τῇ θεότητι, θείας ἀποτελεῖ τὰς οὐσίας, ἐν ᾧ τὸ πνεῦμα σωματοῦται, καὶ τὰ θνητὰ (f. 77 v.) ἐμψυχοῦνται, καὶ δεχόμενα τὸ πνεῦμα τὸ ἐξελθὸν ἐξ αὐτῶν κρατούνται καὶ κρατοῦσιν ἄλληλα. Ὥσπερ γὰρ τὸ πνεῦμα τὸ σκοτεινὸν τὸ πλῆρες ματαιότητος καὶ ἀθυμίας τὸ κρατοῦν τὰ σώματα τοῦ μὴ λευκανθῆναι καὶ δέξασθαι τὸ κάλλος καὶ τὴν χροιὰν ἣν ἐνεδύσαντο ἐκ τοῦ δημιουργοῦ (ἀσθενεῖ γὰρ τὸ σῶμα καὶ τὸ πνεῦμα καὶ ἡ ψυχὴ διὰ τὸ σκότος τὸ ἐκτεταμένον).","prev":{"citation":"De lapide philosophorum 13","label":"Section 13","url":"https://interlinea.aeterna-institute.org/library/greek/comarius/text/13","api":"https://interlinea.aeterna-institute.org/api/v1/library/greek/comarius/text/13"},"next":{"citation":"De lapide philosophorum 15","label":"Section 15","url":"https://interlinea.aeterna-institute.org/library/greek/comarius/text/15","api":"https://interlinea.aeterna-institute.org/api/v1/library/greek/comarius/text/15"},"credit":{"text":"Comarius, Κομαρίου φιλοσόφου ἀρχιερέως διδάσκοντος τὴν Κλεοπάτραν τὴν θείαν καὶ ἱερὰν τέχνην τοῦ λίθου τῆς φιλοσοφίας, ed. Marcellin Berthelot, Charles-Émile Ruelle. Text: Open Greek and Latin (First1KGreek), via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg2632.tlg001.local001/","quality":"proofread"}}