{"kind":"section","lang":"grc","language":"Ancient Greek","title":"Testimonia 1.389.6","citation":"Democritus, Testimonia 1.389.6","ref":"1.389.6","level":null,"urn":null,"url":"https://interlinea.aeterna-institute.org/library/greek/democritus/testimonia/1.389.6","api":"https://interlinea.aeterna-institute.org/api/v1/library/greek/democritus/testimonia/1.389.6","markdown":"https://interlinea.aeterna-institute.org/library/greek/democritus/testimonia/1.389.6.md","author":{"name":"Democritus","url":"https://interlinea.aeterna-institute.org/library/greek/democritus"},"work":{"title":"Testimonia","url":"https://interlinea.aeterna-institute.org/library/greek/democritus/testimonia","urn":"urn:cts:greekLit:tlg1304.tlg001"},"verse":false,"words":260,"text":"(50) ὁρᾶν μὲν οὖν ποιεῖ τῇ ἐμφάσει· ταύτην δὲ ἴδιως λέγει· τὴν γὰρ ἐμφασιν οὐκ εὐθὺς ἐν τῇ κόρῃ γίνεσθαι, ἀλλὰ τὸν ἄέρα τὸν μεταξὺ τῆς ὄψεως καὶ τοῦ ὁρωμένου τυποῦσθαι συστελλόμενον ὑπὸ τοῦ ὁρωμένου καὶ τοῦ ὁρῶντος· ἀπαντος γὰρ ἀεὶ γίνεσθαι τινα ἀπορροήν· ἔπειτα τοῦτον στερεὸν ὄντα καὶ ἀλλόχρων ἐμφαίνεσθαι τοῖς ὁμμασιν ὑγροῖς· καὶ τὸ μὲν πυκνὸν οὐ δέχεσθαι τὸ δ' ὑγρὸν διέναι. διὸ καὶ τοὺς ὑγροὺς τῶν σκληρῶν ὀφθαλμῶν ἀμείνους εἶναι πρὸς τὸ ὁρᾶν, εἰ ὁ μὲν ἔξω χιτῶν ὡς λεπτότατος καὶ πυκνότατος εἴη, τὰ δ' ἐντὸς ὡς μάλιστα σομφὰ καὶ κενὰ πυκνῆς καὶ ἰσχυρᾶς σαρκός, μεστὰ δὲ ἰκμάδος παχεῖας τε καὶ λιπαρᾶς, καὶ αἱ φλέβες (αἱ) κατὰ τοὺς ὀφθαλμοὺς εὐθεῖαι καὶ ἄνικμοι ὡς ὁμοιόσχημονεῖν τοῖς ἀποτυπουμένοις. τὰ γὰρ ὁμόφυλα μάλιστα ἕκαστον γνωρίζειν. (51) πρῶτον μὲν οὖν ἄτοπος ἢ ἀποτύπωσις ἢ ἐν τῷ ἀέρι. δεῖ γὰρ ἔχειν πυκνότητα καὶ μὴ θρύπτεσθαι τὸ τυπούμενον, ὥσπερ καὶ αὐτὸς λέγει παραβάλλων τοιαύτην εἶναι τὴν ἐντύπωσιν οἷον εἰ ἰκμάξειας εἰς κηρόν. ἔπειτα μᾶλλον ἐν ὕδατι τυποῦσθαι δυνατὸν ὅσῳ πυκνότερον· ἧττον δὲ ὕδατι, καίτοι προσῆκε μᾶλλον. ὅλως δὲ ἀπορροὴν ποιοῦντα τῆς μορφῆς ὥσπερ ἐν τοῖς περὶ τῶν εἰδῶν τί δεῖ τὴν ἀποτύπωσιν ποιεῖν; αὐτὰ γὰρ ἐμφαίνεται τὰ εἴδωλα. (52) εἰ δὲ δή τοῦτο συμβαίνει καὶ ὁ ἀήρ ἀπομάττεται καθάπερ κηρὸς ὑθούμενος καὶ πυκνούμενος, πῶς καὶ ποία τις ἢ ἐμφασίς γίνεται; δῆλον γὰρ ὡς ἀντιπρόσωπος (ὁ) τύπος ἔσται τῷ ὁρωμένῳι καθάπερ ἐν τοῖς ἄλλοις. τοιούτου δ' ὄντος ἀδύνατον ἐξ ἐναντίας ἐμφασιν γίνεσθαι μὴ στραφέντος τοῦ τύπου. τοῦτο δ' ὑπὸ τίνος ἔσται καὶ πῶς δεικτέον· οὐχ οἷόν τε γὰρ ἄλλως γίνεσθαι τὸ ὁρᾶν. ἔπειτα ὅταν","prev":{"citation":"Testimonia 1.389.5","label":"1.389.5","url":"https://interlinea.aeterna-institute.org/library/greek/democritus/testimonia/1.389.5","api":"https://interlinea.aeterna-institute.org/api/v1/library/greek/democritus/testimonia/1.389.5"},"next":{"citation":"Testimonia 1.390.1","label":"1.390.1","url":"https://interlinea.aeterna-institute.org/library/greek/democritus/testimonia/1.390.1","api":"https://interlinea.aeterna-institute.org/api/v1/library/greek/democritus/testimonia/1.390.1"},"credit":{"text":"Democritus, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001005","quality":"ocr"}}