{"kind":"section","lang":"grc","language":"Ancient Greek","title":"Testimonia 1.390.2","citation":"Democritus, Testimonia 1.390.2","ref":"1.390.2","level":null,"urn":null,"url":"https://interlinea.aeterna-institute.org/library/greek/democritus/testimonia/1.390.2","api":"https://interlinea.aeterna-institute.org/api/v1/library/greek/democritus/testimonia/1.390.2","markdown":"https://interlinea.aeterna-institute.org/library/greek/democritus/testimonia/1.390.2.md","author":{"name":"Democritus","url":"https://interlinea.aeterna-institute.org/library/greek/democritus"},"work":{"title":"Testimonia","url":"https://interlinea.aeterna-institute.org/library/greek/democritus/testimonia","urn":"urn:cts:greekLit:tlg1304.tlg001"},"verse":false,"words":324,"text":"τὴν δ’ ἀκοὴν παραπλησίως ποιεῖ τοῖς ἄλλοις. εἰς γὰρ τὸ κενὸν ἐμπίπτοντα τὸν ἄερα κίνησιν ἐμποιεῖν, πλὴν ὅτι κατὰ πᾶν μὲν ὁμοίως τὸ σῶμα εἰσιέναι, μᾶλιστα δὲ καὶ πλεῖστον διὰ τῶν ὤτων, ὅτι διὰ πλείστου τε κενοῦ διέρχεται καὶ ἧκιστα διαμῖνει. διὸ καὶ κατὰ μὲν τὸ ἄλλο σῶμα οὐκ αἰσθάνεσθαι, ταύτῃ δὲ μόνον. ὅταν δὲ ἐντὸς γένηται, σκίδνασθαι διὰ τὸ τάχος· τὴν γὰρ φωνὴν εἶναι πυκνουμένου τοῦ ἀέρος καὶ μετὰ βίας εἰσιόντος. ὡσπερ οὖν ἐκτὸς ποιεῖ τῇ ἀφὴ τὴν αἴσθησιν, οὕτως καὶ ἐντὸς. (56) ὀξὺτατον δ’ ἀκούειν, εἰ ὁ μὲν ἔξω χιτῶν εἴη πυκνός, τὰ δὲ φλεβία κενὰ καὶ ὡς μάλιστα ἄνικμα καὶ εὐτρήτα κατὰ τε τὸ ἄλλο σῶμα καὶ τὴν κεφαλὴν καὶ τὰς ἀκοάς, ἐπὶ δὲ τὰ ὀστᾶ πυκνὰ καὶ ὁ ἐγκέφαλος εὖκρατος καὶ τὸ περὶ αὐτὸν ὡς ξηρότατον· ἀθρόον γὰρ ἂν οὕτως εἰσιέναι τὴν φωνὴν ἂτε διὰ πολλοῦ κενοῦ καὶ ἄνικμου καὶ εὐτρήτου εἰσιούσαν, καὶ ταχὺ σκίδνασθαι καὶ ὁμαλῶς κατὰ τὸ σῶμα καὶ οὐ διεκπίπτειν ἔξω. (57) τὸ μὲν οὖν ἀσαφῶς ἀφορίζειν ὁμοίως ἔχει τοῖς ἄλλοις. ἄτοπον δὲ καὶ ἴδιον (τὸ) κατὰ πᾶν τὸ σῶμα τὸν φῶρον εἰσιέναι, καὶ ὅταν εἰσέλθῃ διὰ τῆς ἀκοῆς διαχεῖσθαι κατὰ πᾶν, ὡσπερ οὐ ταῖς ἀκοαῖς, ἀλλ’ ὅλῳ τῷ σώματι τὴν αἴσθησιν οὔσαν. οὐ γὰρ κἂν συμπάσχη τι τῇ ἀκοῇ, διὰ τοῦτο καὶ αἰσθάνεται. πάσας γὰρ τοῦτὸ γε ὁμοίως ποιεῖ, καὶ οὐ μόνον ταῖς αἰσθήσεσιν ἀλλὰ καὶ τῇ ψυχῇ. καὶ περὶ μὲν ὄψεως καὶ ἀκοῆς οὕτως ἀποδιδῶσι, τὰς δὲ ἄλλας αἰσθήσεις σχεδὸν ὁμοίως ποιεῖ τοῖς πλείστοις. (58) περὶ δὲ τοῦ φρονεῖν ἐπὶ τοσοῦτον εἵρηκεν ὅτι γίνεται συμμετρῶς ἔχούσης τῆς ψυχῆς κατὰ τὴν κρῆσιν· ἐὰν δὲ περίθερμός τις ἢ περίψυχρος γένηται, μεταλλάττει φησίν. δι’ ὃ τι καὶ τοὺς παλαιοὺς καλῶς τοῦθ’ ὑπολαβεῖν ὅτι ἐστὶν ἄλλο φρονεῖν [s. A 100]. ὥστε φανερόν, ὅτι τῇ κράσει τοῦ σώματος ποιεῖ τὸ φρονεῖν, ὅπερ ἴσως αὐτῷ καὶ κατὰ λόγον ἐστὶ σῶμα ποιοῦντι τὴν ψυχήν. αἱ μὲν οὖν περὶ αἰσθήσεως καὶ τοῦ φρονεῖν δόξαι σχεδὸν αὗται καὶ τοσαῦται τυγχάνουσιν οὔσαι [παρὰ] τῶν πρότερων.","prev":{"citation":"Testimonia 1.390.1","label":"1.390.1","url":"https://interlinea.aeterna-institute.org/library/greek/democritus/testimonia/1.390.1","api":"https://interlinea.aeterna-institute.org/api/v1/library/greek/democritus/testimonia/1.390.1"},"next":{"citation":"Testimonia 1.391.1","label":"1.391.1","url":"https://interlinea.aeterna-institute.org/library/greek/democritus/testimonia/1.391.1","api":"https://interlinea.aeterna-institute.org/api/v1/library/greek/democritus/testimonia/1.391.1"},"credit":{"text":"Democritus, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001005","quality":"ocr"}}