{"kind":"section","lang":"grc","language":"Ancient Greek","title":"Testimonia 1.394.1","citation":"Democritus, Testimonia 1.394.1","ref":"1.394.1","level":null,"urn":null,"url":"https://interlinea.aeterna-institute.org/library/greek/democritus/testimonia/1.394.1","api":"https://interlinea.aeterna-institute.org/api/v1/library/greek/democritus/testimonia/1.394.1","markdown":"https://interlinea.aeterna-institute.org/library/greek/democritus/testimonia/1.394.1.md","author":{"name":"Democritus","url":"https://interlinea.aeterna-institute.org/library/greek/democritus"},"work":{"title":"Testimonia","url":"https://interlinea.aeterna-institute.org/library/greek/democritus/testimonia","urn":"urn:cts:greekLit:tlg1304.tlg001"},"verse":false,"words":317,"text":"δὲ καὶ τάξει (διαλλάττειν) αὐτῶν τὴν χροᾶν. 76 τὰ μὲν οὖν ἀπλὰ χρώματα τούτοις κεχρῆσθαι τοῖς σχήμασιν· ἕκαστον δὲ καθαρώτερον, ὅσαι ἂν ἐξ ἀμιγεστέρων ᾖ. τὰ δὲ ἄλλα κατὰ τὴν τούτων μίξιν· οἷον τὸ μὲν χρυσοειδὲς καὶ τὸ τοῦ χαλκοῦ καὶ πᾶν τὸ τοιούτον ἐκ τοῦ λευκοῦ καὶ τοῦ ἐρυθροῦ· τὸ μὲν γὰρ λαμπρόν ὁ ἔχειν ἐκ τοῦ λευκοῦ, τὸ δὲ ὑπέρρυθρον ἀπὸ τοῦ ἐρυθροῦ· πίπτειν γὰρ εἰς τὰ κενὰ τοῦ λευκοῦ τῇ μίξει τὸ ἐρυθρόν. εἰὰν δὲ προστεθῇ τούτοις τὸ χλωρόν, γίνεσθαι τὸ κάλλιστον χρώμα. δεῖν δὲ μικρὰς τοῦ χλωροῦ τὰς συγκρίσεις εἶναι· μεγάλας γὰρ οὐχ οἷόν τε συγκειμένων οὕτω τοῦ λευκοῦ καὶ τοῦ ἐρυθροῦ. διαφόρους δ’ ἔσεσθαι τὰς χροὰς τῷ πλεόν καὶ ἔλαττον λαμβάνειν. 77 τὸ δὲ πορφυροῦν ἐκ λευκοῦ καὶ μέλανος καὶ ἐρυθροῦ. πλείστην μὲν μοῖραν ἔχοντος τοῦ ἐρυθροῦ, μικρὰν δὲ τοῦ μέλανος, μέσην δὲ τοῦ λευκοῦ· διὸ καὶ ἡδὺ φαίνεσθαι πρὸς τὴν αἴσθησιν. ὅτι μὲν οὖν τὸ μέλαν καὶ τὸ ἐρυθρόν συνυπάρχει, φανερὸν εἶναι τῇ ὄψει, διότι δὲ τὸ λευκόν, τὸ λαμπρόν καὶ διαντὲς σημαίνειν· ταῦτα γὰρ ποιεῖν τὸ λευκόν. τὴν δ’ ἰσатὶν ἐκ μέλανος σφόδρα καὶ χλωροῦ, πλείονα δὲ μοῖραν ἔχειν τοῦ μέλανος· τὸ δὲ πράσινον ἐκ πορφυροῦ καὶ τῆς ἰσάτιδος, ἢ ἐκ χλωροῦ καὶ πορφυροειδοῦς. τὸ γὰρ θεῖον εἶναι τοιούτον καὶ μετέχειν τοῦ λαμπροῦ. τὸ δὲ κυανοῦν ἐξ ἰσάτιδος καὶ πυρώδους, σχημάτων δὲ περιφερῶν καὶ βελονοειδῶν, ὅπως τὸ στίλβον τῷ μέλανι ἐνῆ. 78 τὸ δὲ καρύινον ἐκ χλωροῦ καὶ κυανοεἴδους· εἰὰν δὲ χλωρόν (καὶ λευκόν) μειχθῇ, φλογοειδὲς γίνεσθαι· τὸ γὰρ ἄσκιον καὶ μελανόχρυν ἐξεῖργεσθαι. σχεδὸν δὲ καὶ τὸ ἐρυθρόν τῷ λευκῷ μειχθέν χλωρὸν ποιεῖν εὐαγὲς καὶ οὐ μέλαν· διὸ καὶ τὰ φυόμενα χλωρὰ τὸ πρῶτον εἶναι πρὸ τοῦ θερμανθῆναι καὶ διαχεῖσθαι. καὶ πλήθει μὲν τούτων ἐπιμένηται χρωμάτων, ἄπειρα δὲ εἶναι καὶ τὰ χρώματα καὶ τοὺς χυλοὺς κατὰ τὰς μίξεις, ἐὰν τις τὰ μὲν ἀφαιρῇ τὰ δὲ προστιθῇ καὶ τῶν μὲν ἔλαττον μίση τῶν δὲ πλέον. οὐδὲν γὰρ ὅμοιον ἔσεσθαι ὕστερον ὕστερωι.","prev":{"citation":"Testimonia 1.393.2","label":"1.393.2","url":"https://interlinea.aeterna-institute.org/library/greek/democritus/testimonia/1.393.2","api":"https://interlinea.aeterna-institute.org/api/v1/library/greek/democritus/testimonia/1.393.2"},"next":{"citation":"Testimonia 1.394.2","label":"1.394.2","url":"https://interlinea.aeterna-institute.org/library/greek/democritus/testimonia/1.394.2","api":"https://interlinea.aeterna-institute.org/api/v1/library/greek/democritus/testimonia/1.394.2"},"credit":{"text":"Democritus, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001005","quality":"ocr"}}