{"kind":"section","lang":"grc","language":"Ancient Greek","title":"Testimonia 2.394.2","citation":"Democritus, Testimonia 2.394.2","ref":"2.394.2","level":null,"urn":null,"url":"https://interlinea.aeterna-institute.org/library/greek/democritus/testimonia/2.394.2","api":"https://interlinea.aeterna-institute.org/api/v1/library/greek/democritus/testimonia/2.394.2","markdown":"https://interlinea.aeterna-institute.org/library/greek/democritus/testimonia/2.394.2.md","author":{"name":"Democritus","url":"https://interlinea.aeterna-institute.org/library/greek/democritus"},"work":{"title":"Testimonia","url":"https://interlinea.aeterna-institute.org/library/greek/democritus/testimonia","urn":"urn:cts:greekLit:tlg1304.tlg001"},"verse":false,"words":145,"text":"λέγει δὲ ὁμοίως Λευκίππῳ περὶ στοιχείων, πλήρους καὶ κενοῦ, τὸ μὲν πλήρες λέγων ὄν, τὸ δὲ κενὸν οὐχ ὄν· ἔλεγε δὲ ὡς δεῖ κινουμένων τῶν ὄντων ἐν τῷ κενῷ· ἀπεῖρους δὲ εἶναι κόσμους καὶ μεγέθει διαφέροντας. ἐν τισὶ δὲ μὴ εἶναι ἥλιον μηδὲ σελήνην, ἐν τισὶ δὲ μεῖζω τῶν παρ’ ἡμῖν καὶ ἐν τισὶ πλείω. εἶναι δὲ τῶν κόσμων ἄνισα τὰ διαστήματα καὶ τῇ μὲν πλείους τῇ δὲ ἐλάττους καὶ τοὺς μὲν ἀξέσθαι τοὺς δὲ ἀκμάζειν, τοὺς δὲ φθίνειν, καὶ τῇ μὲν γίνεσθαι, τῇ δ’ ἐκλείπειν. φθείρεσθαι δὲ αὐτοὺς ὑπ’ ἀλλήλων προσπίπτοντας. εἶναι δὲ ἐνίοις κόσμους ἐρήμους ζῴων καὶ φυτῶν καὶ παντὸς ὑγροῦ. τοῦ δὲ παρ’ ἡμῖν κόσμου πρότερον τὴν γῆν τῶν ἀστρῶν γενέσθαι, εἶναι δὲ τὴν μὲν σελήνην κάτω, ἔπειτα τὸν ἥλιον, εἶτα τοὺς ἀπλανεῖς ἀστέρας. τοὺς δὲ πλανήτας οὐδ’ αὐτοὺς ἔχειν ἴσον ὕψος. ἀκμάζειν δὲ κόσμον, ὅσος ἂν μηκέτι δύνῃται ἐξωθέν τι προσλαμβάνειν.","prev":{"citation":"Testimonia 2.394.1","label":"2.394.1","url":"https://interlinea.aeterna-institute.org/library/greek/democritus/testimonia/2.394.1","api":"https://interlinea.aeterna-institute.org/api/v1/library/greek/democritus/testimonia/2.394.1"},"next":{"citation":"Testimonia 2.394.3-5","label":"2.394.3 to 2.394.5","url":"https://interlinea.aeterna-institute.org/library/greek/democritus/testimonia/2.394.3","api":"https://interlinea.aeterna-institute.org/api/v1/library/greek/democritus/testimonia/2.394.3"},"credit":{"text":"Democritus, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001005","quality":"ocr"}}