{"kind":"section","lang":"grc","language":"Ancient Greek","title":"Testimonia 2.412.1.24-45","citation":"Democritus, Testimonia 2.412.1.24-45","ref":"2.412.1.24","level":null,"urn":null,"url":"https://interlinea.aeterna-institute.org/library/greek/democritus/testimonia/2.412.1.24","api":"https://interlinea.aeterna-institute.org/api/v1/library/greek/democritus/testimonia/2.412.1.24","markdown":"https://interlinea.aeterna-institute.org/library/greek/democritus/testimonia/2.412.1.24.md","author":{"name":"Democritus","url":"https://interlinea.aeterna-institute.org/library/greek/democritus"},"work":{"title":"Testimonia","url":"https://interlinea.aeterna-institute.org/library/greek/democritus/testimonia","urn":"urn:cts:greekLit:tlg1304.tlg001"},"verse":false,"words":291,"text":"ἕκαστον δὲ καθαρώτερον ὅσων ἂν ἐξ ἀμιγεστέρων ἢι. τὰ δὲ ἄλλα κατὰ τὴν τούτων μίξιν· οἷον τὸ μὲν χρυσοειδὲς καὶ τὸ τοῦ χαλκοῦ καὶ πᾶν τὸ τοιοῦτον ἐκ τοῦ λευκοῦ καὶ τοῦ ἐρυθροῦ· τὸ μὲν γὰρ λαμπρόν ἔχειν ἐκ τοῦ λευκοῦ, τὸ δὲ ὑπέρυθρον ἀπὸ τοῦ ἐρυθροῦ· πίπτειν γὰρ εἰς τὰ κενὰ τοῦ λευκοῦ τῇ μίξει τὸ ἐρυθρόν. ἐὰν δὲ προστεθῇι τούτοις τὸ χλωρόν, γίνεσθαι τὸ κάλλιστον χρώμα, δεῖν δὲ μικρὰς τοῦ χλωροῦ τὰς συγκρίσεις εἶναι· μεγάλας γὰρ οὐχ οἷον τε συγκειμένων οὕτω τοῦ λευκοῦ καὶ τοῦ ἐρυθροῦ. διαφόρους δ' ἕσεσθαι τὰς χρόας τῶι πλεόν καὶ ἕλαττον λαμβάνειν. τὸ δὲ πορφυροῦν ἐκ λευκοῦ καὶ μέλανος καὶ ἐρυθροῦ, πλείστην μὲν μοῖραν ἔχοντος τοῦ ἐρυθροῦ, μικρὰν δὲ τοῦ μέλανος, μέσην δὲ τοῦ λευκοῦ· διὸ καὶ ἧδὺ φαίνεσθαι πρὸς τὴν αἴσθησιν. ὅτι μὲν οὖν τὸ μέλαν καὶ τὸ ἐρυθρὸν αὐτῶι ἐνυπάρχει, φανερὸν εἶναι τῇ ὀρει, διότι δὲ τὸ λευκόν, τὸ λαμπρόν καὶ διαυγὲς σημαίνειν· ταῦτα γὰρ ποιεῖν τὸ λευκόν. τὴν δ' ἱσατὶν ἐκ μέλανος σφόδρα καὶ χλωροῦ, πλείονα δὲ μοῖραν ἔχειν τοῦ μέλανος· τὸ δὲ πράσινον ἐκ πορφυροῦ καὶ τῆς ἱσάτιδος, ἢ ἐκ χλωροῦ καὶ πορφυροειδοῦς. τὸ γὰρ θεῖον εἶναι τοιοῦτον καὶ μετέχειν τοῦ λαμπροῦ. τὸ δὲ κυανοῦν ἐξ ἱσάτιδος καὶ πυρώδους, σχημάτων δὲ περιφερῶν καὶ βελονοειδῶν, ὅπως τὸ στιλβὸν τῶι μέλανι ἐνῇ. τὸ δὲ καρύϊνον ἐκ χλωροῦ καὶ κυανοειδοῦς· ἐὰν δὲ χλωρὸν (καὶ λαμπρόν;) μειχθῇ, φλογοειδὲς γίνεσθαι· τὸ γὰρ ἄσκιον καὶ μελανόχρων ἐξειργεσθαι. σχεδὸν δὲ καὶ τὸ ἐρυθρὸν τῶι λευχῶι μειχθὲν χλωρὸν ποιεῖν εὐαγὲς καὶ οὐ μέλαν· διὸ καὶ τὰ φυόμενα χλωρὰ τὸ πρῶτον εἶναι πρὸ τοῦ θερμανθῆναι καὶ διαγεῖσθαι. καὶ πλήθει μὲν τοσούτων ἐπιμένηται χρωμάτων, ἀπείρα δὲ εἶναι τὰ χρώματα καὶ τοὺς χυλοὺς κατὰ τὰς μίξεις, ἐὰν τις τα μὲν ἀφαιρῇ τὰ δὲ προστιθῇι καὶ τῶν μὲν ἕλαττον μίσγῃι τῶν δὲ πλεόν.","prev":{"citation":"Testimonia 2.412.1.1-23","label":"2.412.1.1 to 2.412.1.23","url":"https://interlinea.aeterna-institute.org/library/greek/democritus/testimonia/2.412.1.1","api":"https://interlinea.aeterna-institute.org/api/v1/library/greek/democritus/testimonia/2.412.1.1"},"next":{"citation":"Testimonia 2.412.1.46","label":"2.412.1.46","url":"https://interlinea.aeterna-institute.org/library/greek/democritus/testimonia/2.412.1.46","api":"https://interlinea.aeterna-institute.org/api/v1/library/greek/democritus/testimonia/2.412.1.46"},"credit":{"text":"Democritus, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001005","quality":"ocr"}}