{"kind":"section","lang":"grc","language":"Ancient Greek","title":"Orationes 79-4","citation":"Dio Chrysostomus, Orationes 79-4","ref":"79-4","level":null,"urn":"urn:cts:greekLit:tlg0612.tlg001:79-4","url":"https://interlinea.aeterna-institute.org/library/greek/dio-chrysostomus-soph/orationes/79-4","api":"https://interlinea.aeterna-institute.org/api/v1/library/greek/dio-chrysostomus-soph/orationes/79-4","markdown":"https://interlinea.aeterna-institute.org/library/greek/dio-chrysostomus-soph/orationes/79-4.md","author":{"name":"Dio Chrysostomus","url":"https://interlinea.aeterna-institute.org/library/greek/dio-chrysostomus-soph"},"work":{"title":"Orationes","url":"https://interlinea.aeterna-institute.org/library/greek/dio-chrysostomus-soph/orationes","urn":"urn:cts:greekLit:tlg0612.tlg001"},"verse":false,"words":81,"text":"ἄλλως τε εἰ μὲν ἀτέλειαν ἢ χρήματα ἢ γῆν ἢ τοιοῦτόν τι δεδωκότες ἀφῃρεῖσθε, μᾶλλον ἂν ἴσως ἠδικοῦντο οἱ μετὰ ταῦτα εἰληφότες· ὁ γὰρ χρόνον τινὰ κατασχὼν τὰ τοιαῦτα ὠφέληταί τι καὶ προείληφεν· ἐπὶ δὲ τῆς τιμῆς οὐδέν ἐστι τοιοῦτον. οἱ μὲν γάρ εἰσιν εὐπορώτεροι καὶ τὸν ἄλλον χρόνον·ἃ γὰρ ἐκτήσαντο ἀπὸ τούτων ἔχουσιν· τοῖς δὲ τοὐναντίον ἀτιμοτέροις ὑπάρχει γεγονέναι. ὅπου μὲν γὰρ ἐλάττων ἡ ζημία τοῖς πολὺν χρόνον καρπωσαμένοις, ὅπου δὲ ἡ ἀτιμία μείζων τοῖς σφόδρα παλαιᾶς τιμῆς ἀφαιρουμένοις.","prev":{"citation":"Orationes 78-7","label":"(14)ΡΟΔΙΑΚΟΣ.","url":"https://interlinea.aeterna-institute.org/library/greek/dio-chrysostomus-soph/orationes/78-7","api":"https://interlinea.aeterna-institute.org/api/v1/library/greek/dio-chrysostomus-soph/orationes/78-7"},"next":{"citation":"Orationes 80-4","label":"(14)ΡΟΔΙΑΚΟΣ.","url":"https://interlinea.aeterna-institute.org/library/greek/dio-chrysostomus-soph/orationes/80-4","api":"https://interlinea.aeterna-institute.org/api/v1/library/greek/dio-chrysostomus-soph/orationes/80-4"},"credit":{"text":"Dio Chrysostom, Orationes, ed. Hans Friedrich August von Arnim. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0612.tlg001.local001/","quality":"proofread"}}