{"kind":"section","lang":"grc","language":"Ancient Greek","title":"P.Bour. 25","citation":"Documentary Papyri, P.Bour. 25","ref":"25","level":null,"urn":null,"url":"https://interlinea.aeterna-institute.org/library/greek/documentary-papyri/p-bour/25","api":"https://interlinea.aeterna-institute.org/api/v1/library/greek/documentary-papyri/p-bour/25","markdown":"https://interlinea.aeterna-institute.org/library/greek/documentary-papyri/p-bour/25.md","author":{"name":"Documentary Papyri","url":"https://interlinea.aeterna-institute.org/library/greek/documentary-papyri"},"work":{"title":"P.Bour.","url":"https://interlinea.aeterna-institute.org/library/greek/documentary-papyri/p-bour","urn":null},"verse":false,"words":117,"text":"κυρίᾳ μου καὶ ἐπιποθήτῃ θείᾳ, Τάρη θυγάτηρ ἀδελφῆς σου Ἀλλοῦτος ἐν θεῷ χαίρειν. πρὸ παντὸς εὔχομαι τῷ θεῷ ὑγιαίνουσάν σε καὶ εὐθυμοῦσαν ἀπολαβεῖν τὰ παρʼ ἐμοῦ γράμματα· αὕτη γὰρ μού ἐστιν εὐχή. γίγνωσκε δέ, κυρία μου, ὅτι ἀπὸ τῶν Πάσχων ἡ μήτηρ μου, ἡ ἀδελφή σου, ἐτελεύτησεν. ὅτε δὲ τὴν μητέρα μου εἶχα, μεθʼ ἑαυτῆς ὅλον τὸ γένος μου αὕτη ἦν· ἀφʼ οὗ δὲ ἐτελεύτησεν, ἔμεινα ἔρημος, μηδένα ἔχουσα ἐπὶ ξένοις τόποις. μνημόνευε οὖν, θεία, ὡς ζητούσης τῆς μητρός μου, ἵνα εἴ τινα εὑρίσκεις πέμπε πρὸς ἐμέ. προσαγόρευε πᾶσαν τὴν συγγένειαν ἡμῶν. ἐρρωμένην σε ὁ κύριος διαφυλάττοι μακροῖς καὶ εἰρηνικοῖς χρόνοις, κυρία μου. ἀπόδος τὴν ἐπιστολὴν Ὡρείνᾳ, ἀδελφῇ Ἀπολλωνίου, Κοπτιτίσσῃ, παρὰ Τάρης, θυγατρὸς ἀδελφῆς αὐτῆς, ἀπὸ Ἀπαμείας.","prev":{"citation":"P.Bour. 24","label":"P.Bour. 24","url":"https://interlinea.aeterna-institute.org/library/greek/documentary-papyri/p-bour/24","api":"https://interlinea.aeterna-institute.org/api/v1/library/greek/documentary-papyri/p-bour/24"},"next":{"citation":"P.Bour. 27","label":"P.Bour. 27","url":"https://interlinea.aeterna-institute.org/library/greek/documentary-papyri/p-bour/27","api":"https://interlinea.aeterna-institute.org/api/v1/library/greek/documentary-papyri/p-bour/27"},"credit":{"text":"Documentary Papyri, P.Bour.. Text: Duke Databank of Documentary Papyri (papyri.info), CC BY 3.0. Changes: editorial sigla resolved and the documents arranged as reading sections by Interlinea.","license":"CC BY 3.0","licenseUrl":"https://creativecommons.org/licenses/by/3.0/","source":"https://papyri.info/ddbdp/p.bour","quality":"proofread"}}