{"kind":"section","lang":"grc","language":"Ancient Greek","title":"P.Select 16","citation":"Documentary Papyri, P.Select 16","ref":"16","level":null,"urn":null,"url":"https://interlinea.aeterna-institute.org/library/greek/documentary-papyri/p-select/16","api":"https://interlinea.aeterna-institute.org/api/v1/library/greek/documentary-papyri/p-select/16","markdown":"https://interlinea.aeterna-institute.org/library/greek/documentary-papyri/p-select/16.md","author":{"name":"Documentary Papyri","url":"https://interlinea.aeterna-institute.org/library/greek/documentary-papyri"},"work":{"title":"P.Select","url":"https://interlinea.aeterna-institute.org/library/greek/documentary-papyri/p-select","urn":null},"verse":false,"words":243,"text":"… … Αὐρηλιαις Λιτιᾳ ὁμολογνησίᾳ ἀδελφῇ καὶ Μαρτυρίᾳ … … ἀπὸ τῆς Ἑρμουπολιτῶν παρὰ Αὐρηλίου Παύλου Σαραπίωνος μητρὸς Εὖτος ἀμπελουργοῦ ἀπὸ κώμης … τοῦ Ἑρμουπολίτου νομοῦ. ὁμολογῶ ἑκουσίως καὶ αὐθαιρέτως μεμισθῶσθαι παρὰ ὑμῶν ἐπι … ετῆ χρόνον λογιζόμενον ἀπὸ καρπῶν τῆς εὐτυχοῦς σὺν θεῷ ἑβδόμης ἰνδικτίονος καὶ αὐτῆς τὸ ὑπάρχον ὑμῖν χωρίον ἀμπελικὸν ἀρουρῶν, ὅσων ἐστίν, σὺν παντοίοις φυτοῖς καὶ φοίνιξιν διακείμενον ἐν πεδιάδι κώμης Μαγδώλων Μίρη τοῦ αὐτοῦ νομοῦ πρὸς χειρικὴν ἀμπελουργικὴν ἐμὴν ἐργασίαν καὶ ἐπιμέλειαν πᾶσαν καὶ φιλοκαλίαν καὶ καλλιεργίαν καὶ καλαμοστασίαν καὶ περίσκαψιν πέμπτον κατʼ ἔτος ἐφʼ ᾧ τε ὑμᾶς τοὺς γεούχους λαβεῖν ἥμισυ μέρος παντὸς τοῦ ἐκβησομένου οἴνου καὶ τοῦ καρποῦ τῶν παντοίων φυτῶν καὶ φοινίκων καὶ δὴ καὶ ἐμὲ μετὰ τοῦ ἐμοῦ γεωργοῦ δέξασθαι τὸ ἄλλο ἥμισυ μέρος, ἀνθʼ ὧν ποιούμεθα καμάτων˙ λαβεῖν δὲ υμᾶς τοὺς γεούχους ἐξαιρέτως ἀπὸ τοῦ ἐμοῦ τετάρτου μέρους τοῦ ἐκβησομένου … οἴνου κνίδια …. παρέξω δὲ ὑμῖν ἐν τῇ πέμπτῃ καὶ εἰκάδι τοῦ Ἐπεὶφ μηνὸς ἑκάστου ἔτους λόγῳ συνηθείας οἴνου ἀγγῖον ἕν καὶ πινάκιον ἕν μεστὸν διαφόρων βρωμάτων … καὶ δελφάκια δύο εὐάρεστα ἄξια ἀργυρίου ταλάντων … χιλίων καὶ δισκάρια μεστὰ διαφόρων βρωμάτων ἔχοντα τυροὺς διακοσίους … τεσσεράκοντα ἀφʼ οἵου θέλητε τούτους τρεφομένους … τὸ γράμμα ταύτης τῆς μισθώσεως κύριον καὶ βέβαιον καὶ ἐπερωθητεὶς ὡμολόγησα. Αὐρήλιος Παῦλος Σαραπίωνος ὁ προκείμενος μεμίσθωμαι ὡς πρόκειται. Αὐρήλιος Ταυρῖνος Γενναδίου ἀξιωθεὶς ἔγραψα ὑπὲρ αὐτοῦ παρόντος γράμματα μὴ εἰδότος . Αὐρήλιος Ἰωάννης Ἰωσηφίου ἀπὸ Ἑρμουπόλεως μαρτυρῶ τῇ μισθώσει ἀκούσας παρὰ τοῦ θεμένου . Αὐρήλιος Ἀθανάσιος Θεοδώρου χρυσοχόος ἀπὸ Ἑρμουπόλεως μαρτυρῶ τῇ μισθώσει ἄκουσας παρὰ τοῦ θεμένου. διʼ ἐμοῦ Φοιβάμμωνος ἐγράφη κύριε βοήθει .","prev":{"citation":"P.Select 15","label":"P.Select 15","url":"https://interlinea.aeterna-institute.org/library/greek/documentary-papyri/p-select/15","api":"https://interlinea.aeterna-institute.org/api/v1/library/greek/documentary-papyri/p-select/15"},"next":{"citation":"P.Select 17","label":"P.Select 17","url":"https://interlinea.aeterna-institute.org/library/greek/documentary-papyri/p-select/17","api":"https://interlinea.aeterna-institute.org/api/v1/library/greek/documentary-papyri/p-select/17"},"credit":{"text":"Documentary Papyri, P.Select. Text: Duke Databank of Documentary Papyri (papyri.info), CC BY 3.0. Changes: editorial sigla resolved and the documents arranged as reading sections by Interlinea.","license":"CC BY 3.0","licenseUrl":"https://creativecommons.org/licenses/by/3.0/","source":"https://papyri.info/ddbdp/p.select","quality":"proofread"}}