{"kind":"section","lang":"grc","language":"Ancient Greek","title":"P.Select 20","citation":"Documentary Papyri, P.Select 20","ref":"20","level":null,"urn":null,"url":"https://interlinea.aeterna-institute.org/library/greek/documentary-papyri/p-select/20","api":"https://interlinea.aeterna-institute.org/api/v1/library/greek/documentary-papyri/p-select/20","markdown":"https://interlinea.aeterna-institute.org/library/greek/documentary-papyri/p-select/20.md","author":{"name":"Documentary Papyri","url":"https://interlinea.aeterna-institute.org/library/greek/documentary-papyri"},"work":{"title":"P.Select","url":"https://interlinea.aeterna-institute.org/library/greek/documentary-papyri/p-select","urn":null},"verse":false,"words":174,"text":"… υἱὸς Ἀνδρέου μητρὸς Ἐλισαβὲτ καὶ Παμούθιος υἱὸς Ὀννωφρίου μητρὸς Θέκλας, ὁρμώμενοι ἀπὸ ἐποικίου Νεοφύτου Βάνου τοῦ Ὀξυρυγχίτου νομοῦ διαφέροντος τῇ ὑμετέρᾳ ἐνδοξότητι, ἐναπόγραφοι αὐτῆς γεωργοί, χαίρειν. χρείας καὶ νῦν γεναμένης εἰς τὴν ὑφʼ ἡμᾶς γεουχικὴν μηχανὴν καλουμένην τοῦ νοτίνου, ἀντλοῦσαν εἰς ἄμπελον καὶ εἰς ἀρροσιμον γῆν, μικροῦ ἐργάτου ἑνὸς ἀνελθόντες ἐπὶ τῆς πόλεως ἠξιώσαμεν τὴν ὑμῶν ἐνδοξότητα ὥστε κελεῦσαι ἡμῖν τὸν αὐτὸν μικρὸν ἐργάτην παρασχεθῆναι καὶ εὐθέως ἡ ὑμῶν ἐνδοξότης πρόνοιαν ποιουμένη τῆς συστάσεως τῶν ἑαυτῆς πραγμάτων τοῦτον παρέσχετο ἡμῖν διὰ Πατευῶ τοῦ ἐνταῦθα μηχανουργοῦ καινὸν ἐπιτήδειον ἀντλητικὸν εὐάρεστον. ἐδεξάμεθα εἰς ἀναπλήρωσιν πάντων τῶν μηχανικῶν ὀργάνων ἐν τῇ σήμερον ἡμέρᾳ ἥτις ἐστὶν Χοιὰκ δευτέρα τῆς παρούσης ἑνδεκάτης ἰνδικτίονος, ὑδροπαροχίας καρπῶν τῆς σὺν θεῷ δωδεκάτης ἐπινεμήσεως καὶ πρὸς ἀπόδειζιν τῆς ὑποδοχῆς ταύτην πεποιήμεθα τὴν χειρογραφίαν ἥτις κυρία οὖσα ἁπλῆ γραφεῖσα καὶ ἐπερωτηθέντες ὡμολογήσαμεν τὸ κοινὸν τῶν προγεγραμμένων ὀνομάτων στοιχεῖ ἡμῖν αὕτη ἡ χειρογραφία ὡς πρόκειται· Παπνούθιος ἔγραψα ὑπὲρ αὐτῶν ἀγραμμάτων ὄντων di emu Papnutiu etelioth. χειρογραφία …υ υἱοῦ Ἀνδρέου καὶ Παμουθίου υἱοῦ Ὀννωφρίου ὁρμωμένων ἀπὸ ἐποικίου Νεοφύτου … Βάνου τού Ὀξυρυγχίτου νομοῦ ὑποδοχῆς μικροῦ ἐργάτου ἐνός","prev":{"citation":"P.Select 19","label":"P.Select 19","url":"https://interlinea.aeterna-institute.org/library/greek/documentary-papyri/p-select/19","api":"https://interlinea.aeterna-institute.org/api/v1/library/greek/documentary-papyri/p-select/19"},"next":{"citation":"P.Select 21","label":"P.Select 21","url":"https://interlinea.aeterna-institute.org/library/greek/documentary-papyri/p-select/21","api":"https://interlinea.aeterna-institute.org/api/v1/library/greek/documentary-papyri/p-select/21"},"credit":{"text":"Documentary Papyri, P.Select. Text: Duke Databank of Documentary Papyri (papyri.info), CC BY 3.0. Changes: editorial sigla resolved and the documents arranged as reading sections by Interlinea.","license":"CC BY 3.0","licenseUrl":"https://creativecommons.org/licenses/by/3.0/","source":"https://papyri.info/ddbdp/p.select","quality":"proofread"}}