{"kind":"section","lang":"grc","language":"Ancient Greek","title":"Testimonia 1.166.4","citation":"Empedocles, Testimonia 1.166.4","ref":"1.166.4","level":null,"urn":null,"url":"https://interlinea.aeterna-institute.org/library/greek/empedocles/testimonia/1.166.4","api":"https://interlinea.aeterna-institute.org/api/v1/library/greek/empedocles/testimonia/1.166.4","markdown":"https://interlinea.aeterna-institute.org/library/greek/empedocles/testimonia/1.166.4.md","author":{"name":"Empedocles","url":"https://interlinea.aeterna-institute.org/library/greek/empedocles"},"work":{"title":"Testimonia","url":"https://interlinea.aeterna-institute.org/library/greek/empedocles/testimonia","urn":"urn:cts:greekLit:tlg1342.tlg003"},"verse":false,"words":259,"text":"ἀκούσαι δ’ αὐτὸν Πυθαγόρου Τίμαος διὰ τῆς ἐνάτης [FHG I 211 fr. 81] ἱστορεῖ, λέγων ὅτι καταγνωσθεὶς ἐπὶ λογοκλοπία τότε (καθὰ καὶ Πλάτων) τῶν λόγων ἐκωλύθη μετέχειν. μεμνῆσθαι δὲ καὶ αὐτὸν Πυθαγόρου λέγοντα· ‘ἡν — πλοῦτον’ [B 129]. οἱ δὲ τοῦτο εἰς Παρμενίδην αὐτὸν λέγειν ἀναφέρονται. 55 φησὶ δὲ Νεάνθης [FHG III 6 fr. 20] ὅτι μέχρι Φιλολάου καὶ Ἐμπεδοκλέους ἐκοινώνουν οἱ Πυθαγόρικοι τῶν λόγων. ἐπεὶ δ’ αὐτὸς διὰ τῆς ποιήσεως ἐδημοσίωσεν αὐτά, νόμον ἔθεντο μηδενὶ μεταδῦναι ἐποποιῶι· τὸ δ’ αὐτὸ καὶ Πλάτωνα παθεῖν φησι· καὶ γὰρ τοῦτον κωλυθῆναι¹. τίνος μέντοι γε αὐτῶν ἤκουσεν ὁ Ἐμπεδοκλῆς, οὐκ εἶπε· τὴν γὰρ περιφερομένην ὡς Τηλαύγου ἐπιστολὴν ὅτι τε μετέσχεν ἱππάσου καὶ Βροτίνου, μὴ εἶναι ἀξιόπιστον. ὁ δὲ Θεόφραστος [Phys. op. fr. 3. D. 477, 18 not.] Παρμενίδου φησὶ ζηλωτὴν αὐτὸν γενέσθαι καὶ μιμητὴν ἐν τοῖς ποιήμασι· καὶ γὰρ ἐκεῖνον ἐν ἐπεσι τὸν περὶ φύσεως ἐξενεγκεῖν λόγον. 56 Ἐρμιππος [FHG III 42 fr. 27] δὲ οὐ Παρμενίδου, Ξενοφάνους δὲ γεγονέναι ζηλωτήν, ὡι καὶ συνδιατριβὰς καὶ μιμήσασθαι τὴν ἐποποιίαν· ὕστερον δὲ τοῖς Πυθαγορικοῖς ἐντυχεῖν. Ἀλκιδάμας δ’ ἐν τῷι Φυσικῶι [OA II 156b⁶ Sauppe] φησι κατὰ τοὺς αὐτοὺς χρόνους Ζήνωνα καὶ Ἐμπεδοκλέα ἀκούσαι Παρμενίδου. εἰθ’ ὕστερον ἀποχωρήσαι, καὶ τὸν μὲν Ζήνωνα κατ’ ἰδίαν φιλοσοφῆσαι, τὸν δὲ Ἀναξαγόρου διακοῦσαι καὶ Πυθαγόρου· καὶ τοῦ μὲν τὴν σεμνότητα ζηλῶσαι τοῦ τε βίου καὶ τοῦ σχήματος, τοῦ δὲ τὴν φυσιο-λογίαν. 57 Ἀριστοτέλης δὲ ἐν τῷι Σοφιστῇ [fr. 65; vgl. A 19] φησι πρῶτον Ἐμπεδοκλέα ῥητορικὴν εὑρεῖν, Ζήνωνα δὲ διαλεκτικήν. ἐν δὲ τῷι Περὶ ποιητῶν [fr. 70] φησιν ὅτι καὶ Ὀμηρικὸς ὁ Ἐμπεδοκλῆς καὶ δεινὸς περὶ τὴν φράσιν γέγονεν,","prev":{"citation":"Testimonia 1.166.3","label":"1.166.3","url":"https://interlinea.aeterna-institute.org/library/greek/empedocles/testimonia/1.166.3","api":"https://interlinea.aeterna-institute.org/api/v1/library/greek/empedocles/testimonia/1.166.3"},"next":{"citation":"Testimonia 1.167.1.1-26","label":"1.167.1.1 to 1.167.1.26","url":"https://interlinea.aeterna-institute.org/library/greek/empedocles/testimonia/1.167.1.1","api":"https://interlinea.aeterna-institute.org/api/v1/library/greek/empedocles/testimonia/1.167.1.1"},"credit":{"text":"Empedocles, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001201","quality":"ocr"}}