{"kind":"section","lang":"grc","language":"Ancient Greek","title":"Testimonia 2.190.1","citation":"Empedocles, Testimonia 2.190.1","ref":"2.190.1","level":null,"urn":null,"url":"https://interlinea.aeterna-institute.org/library/greek/empedocles/testimonia/2.190.1","api":"https://interlinea.aeterna-institute.org/api/v1/library/greek/empedocles/testimonia/2.190.1","markdown":"https://interlinea.aeterna-institute.org/library/greek/empedocles/testimonia/2.190.1.md","author":{"name":"Empedocles","url":"https://interlinea.aeterna-institute.org/library/greek/empedocles"},"work":{"title":"Testimonia","url":"https://interlinea.aeterna-institute.org/library/greek/empedocles/testimonia","urn":"urn:cts:greekLit:tlg1342.tlg003"},"verse":false,"words":105,"text":"71. HIPPOCR. de prisc. med. 20 [nach cod. A] λέγουσι δὲ τινες ἰητροὶ καὶ σοφισταί, ὡς οὐκ εἰῆ δυνατὸν ἰητρικὴν εἰδέναι ὅστις μὴ οἶδεν ὅ τί ἐστιν ἄνθρωπος, ἀλλὰ τοῦτο δεῖ [δεῖν?] καταμαθεῖν τὸν μέλλοντα ὀρθῶς θεραπεύειν τοὺς ἀνθρώπους. τείνει δὲ αὐτοῖς ὁ λόγος ἐς φιλοσοφίαν καθάπερ Ἔ. ἢ ἄλλοι, οἱ περὶ φύσιος γεγράφασι, (φασίν), ἐξ ἀρχῆς ὅ τί ἐστιν ἄνθρωπος καὶ πῶς ἐγένετο πρῶτον καὶ ὁπόθεν συνεπάγη· ἐγὼ δὲ τοῦτο μέν, ὅσα τινὶ εἴρηται ἢ σοφιστῇ ἢ ἰητρῶ ἢ γέγραπται περὶ φύσιος ὅσον νομίζω τῇ ἰητρικῇ τέχνῃ προσήκειν ἢ τῇ γραφικῇ. νομίζω δὲ περὶ φύσιος γινώσκειν τι σαφὲς οὐδαμοῦθεν ἄλλοθεν εἶναι ἢ ἐξ ἰητρικῆς.","prev":{"citation":"Testimonia 2.189.4","label":"2.189.4","url":"https://interlinea.aeterna-institute.org/library/greek/empedocles/testimonia/2.189.4","api":"https://interlinea.aeterna-institute.org/api/v1/library/greek/empedocles/testimonia/2.189.4"},"next":{"citation":"Testimonia 2.190.2","label":"2.190.2","url":"https://interlinea.aeterna-institute.org/library/greek/empedocles/testimonia/2.190.2","api":"https://interlinea.aeterna-institute.org/api/v1/library/greek/empedocles/testimonia/2.190.2"},"credit":{"text":"Empedocles, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001201","quality":"ocr"}}