{"kind":"section","lang":"grc","language":"Ancient Greek","title":"Testimonia 2.194.2","citation":"Empedocles, Testimonia 2.194.2","ref":"2.194.2","level":null,"urn":null,"url":"https://interlinea.aeterna-institute.org/library/greek/empedocles/testimonia/2.194.2","api":"https://interlinea.aeterna-institute.org/api/v1/library/greek/empedocles/testimonia/2.194.2","markdown":"https://interlinea.aeterna-institute.org/library/greek/empedocles/testimonia/2.194.2.md","author":{"name":"Empedocles","url":"https://interlinea.aeterna-institute.org/library/greek/empedocles"},"work":{"title":"Testimonia","url":"https://interlinea.aeterna-institute.org/library/greek/empedocles/testimonia","urn":"urn:cts:greekLit:tlg1342.tlg003"},"verse":false,"words":161,"text":"συγκεῖσθαι δ’ οὐχ ὁμοίως, (ἀλλὰ τὰς μὲν ἐκ τῶν ὁμοίων), τὰς δ’ ἐκ τῶν ἀντικειμένων, καὶ ταῖς μὲν ἐν μέσῳ, ταῖς δ’ ἐκτὸς εἶναι τὸ πῦρ· διὸ καὶ τῶν ζώων τὰ μὲν ἐν ἡμέρᾳ τὰ δὲ νύκτωρ μᾶλλον ὁρῶσιν· ὅσα μὲν πυρὸς ἐλαττον ἔχει, μεθ’ ἡμέραν· ἐπανισοῦσθαι γὰρ αὐτοῖς τὸ ἐντὸς φῶς ὑπὸ τοῦ ἐκτὸς· ὅσα δὲ τοῦ ἐναντίου νύκτωρ· ἐπαναπληροῦσθαι γὰρ καὶ τούτοις τὸ ἐν-δεές· ἐν δὲ τοῖς ἐναντίοις (ἐναντίως) ἐκάτερον. ἀμβλυωπεῖν μὲν γὰρ καὶ οἷς ὑπερέχει τὸ πῦρ· ἐπανῆλθεν (γάρ) ἔτι μεθ’ ἡμέραν ἐπιπλάττειν καὶ καταλαμ-βάνειν τοὺς τοῦ ὕδατος πόρους· οἷς δὲ τὸ ὕδωρ, ταῦτὸ τοῦτο γίνεσθαι νύκτωρ· καταλαμβάνεσθαι γὰρ τὸ πῦρ ὑπὸ τοῦ ὕδατος. (γίγνεσθαι δὲ ταῦτα), ὅς ἂν τοῖς μὲν ὑπὸ τοῦ ἐξωθεν φωτὸς ἀποκριθῇ τὸ ὕδωρ, τοῖς δ’ ὑπὸ τοῦ ἀέρος [das Wasser mitumfassend vgl. p. 178, 18] τὸ πῦρ. ἐκατέρων γὰρ ἴσων εἶναι τὸ ἐναντίον. ἄριστα δὲ κεκρᾶσθαι καὶ βελτίστην εἶναι τὴν ἐξ ἀμφοῖν ἴσων συγκειμένην. καὶ περὶ μὲν ὀψεως σχεδὸν ταῦτα λέγει.","prev":{"citation":"Testimonia 2.194.1","label":"2.194.1","url":"https://interlinea.aeterna-institute.org/library/greek/empedocles/testimonia/2.194.1","api":"https://interlinea.aeterna-institute.org/api/v1/library/greek/empedocles/testimonia/2.194.1"},"next":{"citation":"Testimonia 2.194.3","label":"2.194.3","url":"https://interlinea.aeterna-institute.org/library/greek/empedocles/testimonia/2.194.3","api":"https://interlinea.aeterna-institute.org/api/v1/library/greek/empedocles/testimonia/2.194.3"},"credit":{"text":"Empedocles, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001201","quality":"ocr"}}