{"kind":"section","lang":"grc","language":"Ancient Greek","title":"Testimonia 2.195.4","citation":"Empedocles, Testimonia 2.195.4","ref":"2.195.4","level":null,"urn":null,"url":"https://interlinea.aeterna-institute.org/library/greek/empedocles/testimonia/2.195.4","api":"https://interlinea.aeterna-institute.org/api/v1/library/greek/empedocles/testimonia/2.195.4","markdown":"https://interlinea.aeterna-institute.org/library/greek/empedocles/testimonia/2.195.4.md","author":{"name":"Empedocles","url":"https://interlinea.aeterna-institute.org/library/greek/empedocles"},"work":{"title":"Testimonia","url":"https://interlinea.aeterna-institute.org/library/greek/empedocles/testimonia","urn":"urn:cts:greekLit:tlg1342.tlg003"},"verse":false,"words":106,"text":"ἔτι δὲ εἰ καὶ μὴ ἐναρμόττοι τὸ ὅμοιον, ἀλλὰ μόνον ἅπτοιτο, καθ’ ὅτιοὖν εὐλόγον αἰσθήσιν γίγνεσθαι· δυοῖν γὰρ τούτων ἀποδίδωσι τὴν γνώσιν τῷ τε ὁμοίῳ καὶ τῇ ἀφῇ· διὸ καὶ τὸ ‘ἀρμόττειν’ εἴρηκεν. ὥστ’ εἰ τὸ ἕλαττον ἄφαιτο τῶν μειζόνων, εἴη ἂν αἴσθησις. ὅλως τε κατὰ γε ἕκείνον ἀφαιρεῖται καὶ τὸ ὅμοιον, ἀλλὰ ἡ συμμετρία μόνον ἱκανόν. διὰ τοῦτο γὰρ οὐχ αἰσθάνεσθαί φασιν ἀλλήλων, ὅτι τοὺς πόρους ἀσυμμέτρους ἔχουσιν· εἰ δ’ ὅμοιον ἢ ἀνόμοιον τὸ ἀπορρέον, οὐδὲν ἔτι προσεφώρασεν. ὥστε ἢ οὐ τῷ ὁμοίῳ ἢ αἴσθησις ἢ οὐ διὰ τινα ἀσυμμετρίαν οὐ κρῖνονσιν, ἀπάσας <τ’> ἀνάγκη τὰς αἰσθήσεις καὶ πάντα τὰ αἰσθητὰ τὴν αὐτὴν ἔχειν φύσιν.","prev":{"citation":"Testimonia 2.195.3","label":"2.195.3","url":"https://interlinea.aeterna-institute.org/library/greek/empedocles/testimonia/2.195.3","api":"https://interlinea.aeterna-institute.org/api/v1/library/greek/empedocles/testimonia/2.195.3"},"next":{"citation":"Testimonia 2.195.5","label":"2.195.5","url":"https://interlinea.aeterna-institute.org/library/greek/empedocles/testimonia/2.195.5","api":"https://interlinea.aeterna-institute.org/api/v1/library/greek/empedocles/testimonia/2.195.5"},"credit":{"text":"Empedocles, Testimonia. Text: Open Greek Corpus, from its own OCR of a public-domain print edition, Public domain. Changes: the text divided into reading sections by Interlinea.","license":"Public domain","licenseUrl":"https://creativecommons.org/publicdomain/mark/1.0/","source":"https://opengreek.org/read/ogc001201","quality":"ocr"}}