{"kind":"section","lang":"grc","language":"Ancient Greek","title":"Testimonia 2","citation":"Eurytus, Testimonia 2","ref":"2","level":null,"urn":"urn:cts:greekLit:tlg1362.tlg002:2","url":"https://interlinea.aeterna-institute.org/library/greek/eurytus-phil/testimonia/2","api":"https://interlinea.aeterna-institute.org/api/v1/library/greek/eurytus-phil/testimonia/2","markdown":"https://interlinea.aeterna-institute.org/library/greek/eurytus-phil/testimonia/2.md","author":{"name":"Eurytus","url":"https://interlinea.aeterna-institute.org/library/greek/eurytus-phil"},"work":{"title":"Testimonia","url":"https://interlinea.aeterna-institute.org/library/greek/eurytus-phil/testimonia","urn":"urn:cts:greekLit:tlg1362.tlg002"},"verse":true,"words":132,"text":"THEOPHR. Metaphys. 11 p. via 19 Usener (Ross—Fobes) τοῦτο γὰρ\n[μὴ μέχρι του προελθόντα παύεσθαι] τελέου καὶ φρονοῦντος, ὅπερ\nἈρχύτας [47 A 13] ποτ' ἔφη ποιεῖν Εὔρυτον διατιθέντα τινὰς ψήφους· λέγειν\nγὰρ ὡς ὅδε μὲν ἀνθρώπου ὁ ἀριθμός, ὅδε δὲ ἵππου, ὅδε δ' ἄλλου τινὸς τυγχάνει.\nνῦν δ' οἵ γε πολλοὶ μέχρι τινὸς ἐλθόντες καταπαύονται, καθάπερ καὶ οἱ τὸ ἓν καὶ\nτὴν ἀόριστον δυάδα ποιοῦντες· τοὺς γὰρ ἀριθμοὺς γεννήσαντες καὶ τὰ ἐπίπεδα\nκαὶ τὰ σώματα σχεδὸν τὰ ἄλλα παραλείπουσιν πλὴν ὅσον ἐφαπτόμενοι καὶ τοσοῦτο\nμόνον δηλοῦντες, ὅτι τὰ μὲν ἀπὸ τῆς ἀορίστου δυάδος οἷον τόπος καὶ κενὸν ἄπειρον,\nτὰ δ' ἀπὸ τῶν ἀριθμῶν καὶ τοῦ ἑνὸς οἷον ψυχὴ καὶ ἄλλ' ἄττα· [χρόνον δ' ἅμα καὶ\nοὐρανὸν καὶ ἕτερα δὴ πλείω,] τοῦ δ' οὐρανοῦ πέρι καὶ τῶν λοιπῶν οὐδεμίαν ἔτι\nποιοῦνται μνείαν.","prev":{"citation":"Testimonia 1","label":"Fragment 1","url":"https://interlinea.aeterna-institute.org/library/greek/eurytus-phil/testimonia/1","api":"https://interlinea.aeterna-institute.org/api/v1/library/greek/eurytus-phil/testimonia/1"},"next":{"citation":"Testimonia 3","label":"Fragment 3","url":"https://interlinea.aeterna-institute.org/library/greek/eurytus-phil/testimonia/3","api":"https://interlinea.aeterna-institute.org/api/v1/library/greek/eurytus-phil/testimonia/3"},"credit":{"text":"Eurytus Phil., Testimonia. Text: CLLG Freed Corpus (Inria), via The Greek Library, CC BY 4.0. Changes: apostrophes normalised and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://thegreeklibrary.pages.lisn.upsaclay.fr/works/tlg1362.tlg002.local001/","quality":"proofread"}}