{"kind":"section","lang":"grc","language":"Ancient Greek","title":"Testimonia 3","citation":"Eurytus, Testimonia 3","ref":"3","level":null,"urn":"urn:cts:greekLit:tlg1362.tlg002:3","url":"https://interlinea.aeterna-institute.org/library/greek/eurytus-phil/testimonia/3","api":"https://interlinea.aeterna-institute.org/api/v1/library/greek/eurytus-phil/testimonia/3","markdown":"https://interlinea.aeterna-institute.org/library/greek/eurytus-phil/testimonia/3.md","author":{"name":"Eurytus","url":"https://interlinea.aeterna-institute.org/library/greek/eurytus-phil"},"work":{"title":"Testimonia","url":"https://interlinea.aeterna-institute.org/library/greek/eurytus-phil/testimonia","urn":"urn:cts:greekLit:tlg1362.tlg002"},"verse":true,"words":150,"text":"ARISTOT. Metaphys. N 5. 1092b 8 οὐθὲν δὲ διώρισται οὐδὲ ὁποτέρως οἱ\nἀριθμοὶ αἴτιοι τῶν οὐσιῶν καὶ τοῦ εἶναι, πότερον ὡς ὅροι οἷον αἱ στιγμαὶ τῶν\nμεγεθῶν, καὶ ὡς Εὔρυτος ἔταττε, τίς ἀριθμὸς τίνος, οἷον ὁδὶ μὲν ἀνθρώπου ὁδὶ δὲ\nἵππου, ὥσπερ οἱ τοὺς ἀριθμοὺς ἄγοντες εἰς τὰ σχήματα τρίγωνον καὶ τετράγωνον,\nοὕτως ἀφομοιῶν ταῖς ψήφοις τὰς μορφὰς τῶν <ζώιων καὶ> φυτῶν. [ALEX.] z. d. St.\np. 827, 9 κείσθω λόγου χάριν ὅρος τοῦ ἀνθρώπου ὁ σν ἀριθμός, ὁ δὲ τξ τοῦ φυτοῦ·\nτοῦτο θεὶς ἐλάμβανε ψηφῖδας διακοσίας πεντήκοντα τὰς μὲν πρασίνας τὰς δὲ με-\nλαίνας, ἄλλας <δὲ> ἐρυθρὰς καὶ ὅλως παντοδαποῖς χρώμασι κεχρωσμένας· εἶτα\nπεριχρίων τὸν τοῖχον ἀσβέστωι καὶ σκιαγραφῶν ἄνθρωπον καὶ φυτὸν οὕτως\nἐπήγνυ τάσδε μὲν τὰς ψηφῖδας ἐν τῆι τοῦ προσώπου σκιαγραφίαι, τὰς δὲ ἐν τῆι\nτῶν χειρῶν, ἄλλας δὲ ἐν ἄλλοις, καὶ ἀπετέλει τὴν τοῦ μιμουμένου ἀνθρώπου διὰ\nψηφίδων ἰσαρίθμων ταῖς μονάσιν, ἃς ὁρίζειν ἔφασκε τὸν ἄνθρωπον.","prev":{"citation":"Testimonia 2","label":"Fragment 2","url":"https://interlinea.aeterna-institute.org/library/greek/eurytus-phil/testimonia/2","api":"https://interlinea.aeterna-institute.org/api/v1/library/greek/eurytus-phil/testimonia/2"},"next":null,"credit":{"text":"Eurytus Phil., Testimonia. Text: CLLG Freed Corpus (Inria), via The Greek Library, CC BY 4.0. Changes: apostrophes normalised and the text divided into reading sections by Interlinea.","license":"CC BY 4.0","licenseUrl":"https://creativecommons.org/licenses/by/4.0/","source":"https://thegreeklibrary.pages.lisn.upsaclay.fr/works/tlg1362.tlg002.local001/","quality":"proofread"}}