{"kind":"section","lang":"grc","language":"Ancient Greek","title":"Demonstratio Evangelica 9.1-3-4","citation":"Eusebius, Demonstratio Evangelica 9.1-3-4","ref":"9.1-3","level":null,"urn":"urn:cts:greekLit:tlg2018.tlg005:9.1-3-9.4","url":"https://interlinea.aeterna-institute.org/library/greek/eusebius-scr-eccl-et-theol/demonstratio-evangelica/9.1-3","api":"https://interlinea.aeterna-institute.org/api/v1/library/greek/eusebius-scr-eccl-et-theol/demonstratio-evangelica/9.1-3","markdown":"https://interlinea.aeterna-institute.org/library/greek/eusebius-scr-eccl-et-theol/demonstratio-evangelica/9.1-3.md","author":{"name":"Eusebius","url":"https://interlinea.aeterna-institute.org/library/greek/eusebius-scr-eccl-et-theol"},"work":{"title":"Demonstratio Evangelica","url":"https://interlinea.aeterna-institute.org/library/greek/eusebius-scr-eccl-et-theol/demonstratio-evangelica","urn":"urn:cts:greekLit:tlg2018.tlg005"},"verse":false,"words":181,"text":"“Ὤφθη δὲ κύριος τῷ Ἀβραὰμ, καὶ εἶπεν αὐτῷ, τῷ σπέρματί σου δώσω τὴν γῆν ταύτην.” καὶ πάλιν ‟ἐγένετο Ἀβραὰμ ἐτῶν ἐνενήκοντα ἐννέα, καὶ ὤφθη κύριος τῷ Ἀβραὰμ, καὶ εἶπεν αὐτῷ, ἐγώ εἰμι ὁ θεός. εὐαρέστει ἐνώπιόν μου καὶ γίνου ἄμεμπτος, καὶ θήσομαι τὴν διαθήκην μου ἀνὰ μέσον σοῦ καὶ ἀνὰ μέσον ἐμοῦ, καὶ πληθυνῶ σε σφόδρα.” καὶ αὖθις “ὤφθη δὲ ὁ θεὸς αὐτῷ πρὸς τῇ δρυὶ· τῇ Μαμβρῆ, καθημένου αὐτοῦ ἐπὶ τῆς θύρας τῆς σκηνῆς αὐτοῦ μεσημβρίας. ἀναβλέψας δὲ τοῖς ὀφθαλμοῖς αὐτοῦ εἶδε· καὶ ἰδοὺ τρεῖς ἄνδρες εἱστήκεισαν ἐπάνω αὐτοῦ. καὶ ἰδὼν προσέδραμεν εἰς συνάντησιν αὐτοῖς ἀπὸ τῆς θύρας τῆς σκηνῆς καὶ προσεκύνησε.” καὶ ἑξῆς μετὰ τὴν ὀπτασίαν ἐπιφέρει ‟ὁ δὲ κύριος εἶπεν, οὐ μὴ κρύψω ἐγὼ ἀπὸ Ἀβραὰμ τοῦ παιδός μου ἃ ἐγὼ ποιῶ. Ἀβραὰμ δὲ γινόμενος ἔσται εἰς ἔθνος μέγα καὶ πολὺ, καὶ ἐνευλογηθήσονται ἐν αὐτῷ πάντα τὰ ἔθνη τῆς γῆς.” καὶ τούτοις αὖθις ἐπιλέγει ὡς περὶ ἑτέρου ‟ᾔδειν γὰρ ὅτι συντάξει τοῖς υἱοῖς αὑτοῦ καὶ τῷ οἴκῳ αὑτοῦ μετ’ αὐτὸν, καὶ φυλάξουσι τὰς ὁδοὺς κυρίου, ποιεῖν δικαιοσύνην καὶ κρίσιν, ὅπως ἐπαγάγῃ κύριος ἐπὶ Ἀβραὰμ ἃ ἐλάλησε πρὸς αὐτόν.”","prev":{"citation":"Demonstratio Evangelica 8.3-3","label":"ΒΙΒΛΙΟΝ ΠΕΜΠΤΟΝ, Chapter 8","url":"https://interlinea.aeterna-institute.org/library/greek/eusebius-scr-eccl-et-theol/demonstratio-evangelica/8.3-3","api":"https://interlinea.aeterna-institute.org/api/v1/library/greek/eusebius-scr-eccl-et-theol/demonstratio-evangelica/8.3-3"},"next":{"citation":"Demonstratio Evangelica 9.5-3","label":"ΒΙΒΛΙΟΝ ΠΕΜΠΤΟΝ, Chapter 9","url":"https://interlinea.aeterna-institute.org/library/greek/eusebius-scr-eccl-et-theol/demonstratio-evangelica/9.5-3","api":"https://interlinea.aeterna-institute.org/api/v1/library/greek/eusebius-scr-eccl-et-theol/demonstratio-evangelica/9.5-3"},"credit":{"text":"Eusebius, Demonstratio Evangelica, ed. Wilhelm Dindorf. Text: The Greek Library, from the Perseus Digital Library and other open sources, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg2018.tlg005.local001/","quality":"proofread"}}