{"kind":"section","lang":"grc","language":"Ancient Greek","title":"De exsectione foetus 2","citation":"Hippocrates, De exsectione foetus 2","ref":"2","level":null,"urn":"urn:cts:greekLit:tlg0627.tlg039:2","url":"https://interlinea.aeterna-institute.org/library/greek/hippocrates/de-exsectione-foetus/2","api":"https://interlinea.aeterna-institute.org/api/v1/library/greek/hippocrates/de-exsectione-foetus/2","markdown":"https://interlinea.aeterna-institute.org/library/greek/hippocrates/de-exsectione-foetus/2.md","author":{"name":"Hippocrates","url":"https://interlinea.aeterna-institute.org/library/greek/hippocrates"},"work":{"title":"De exsectione foetus","url":"https://interlinea.aeterna-institute.org/library/greek/hippocrates/de-exsectione-foetus","urn":"urn:cts:greekLit:tlg0627.tlg039"},"verse":false,"words":67,"text":"2. Ὅταν δὲ τῇ τικτούσῃ γυναικὶ πλάγιον παραπέσῃ τὸ ἔμβρυον, γίνεται δὲ ὁκόταν στρέφηται τοιόνδε, ὁ ὀμφαλὸς περὶ τὸν τράχηλον περιελίσσεται καὶ ἐπίσχει τὴν ἔξοδον τοῦ ἐμβρύου, καὶ ἐς τὸ ἰσχίον ἐπεμβάλλει τὴν κεφαλὴν, καὶ ἡ χεὶρ ὡς ἐπιτοπουλὺ ἔξω γίνεται. Ἢν μὲν οὖν ἤδη τεθνηκὸς ἔξω γένηται, τοῦτο προσημαίνει· ᾗσι δὲ μὴ ἔξω ἡ χεὶρ τοῦ ἐμβρύου, ὡς ἐπιτοπουλὺ ζῇ τὸ ἔμβρυον κίνδυνος δὲ καὶ οὕτως.","prev":{"citation":"De exsectione foetus ΠΕΡΙ ΕΓΚΑΤΑΤΟΜΗΣ ΕΜΒΡΥΟΥ.","label":"ΠΕΡΙ ΕΓΚΑΤΑΤΟΜΗΣ ΕΜΒΡΥΟΥ.","url":"https://interlinea.aeterna-institute.org/library/greek/hippocrates/de-exsectione-foetus/%CE%A0%CE%95%CE%A1%CE%99%20%CE%95%CE%93%CE%9A%CE%91%CE%A4%CE%91%CE%A4%CE%9F%CE%9C%CE%97%CE%A3%20%CE%95%CE%9C%CE%92%CE%A1%CE%A5%CE%9F%CE%A5.","api":"https://interlinea.aeterna-institute.org/api/v1/library/greek/hippocrates/de-exsectione-foetus/%CE%A0%CE%95%CE%A1%CE%99%20%CE%95%CE%93%CE%9A%CE%91%CE%A4%CE%91%CE%A4%CE%9F%CE%9C%CE%97%CE%A3%20%CE%95%CE%9C%CE%92%CE%A1%CE%A5%CE%9F%CE%A5."},"next":{"citation":"De exsectione foetus 3","label":"Chapter 3","url":"https://interlinea.aeterna-institute.org/library/greek/hippocrates/de-exsectione-foetus/3","api":"https://interlinea.aeterna-institute.org/api/v1/library/greek/hippocrates/de-exsectione-foetus/3"},"credit":{"text":"Hippocrates, De exsectione foetus, ed. Émile Littré. Text: Open Greek and Latin (First1KGreek), via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0627.tlg039.local001/","quality":"proofread"}}