{"kind":"section","lang":"grc","language":"Ancient Greek","title":"In Demosthenem 10","citation":"Hyperides, In Demosthenem 10","ref":"10","level":null,"urn":"urn:cts:greekLit:tlg0030.tlg001:10","url":"https://interlinea.aeterna-institute.org/library/greek/hyperides/text-3/10","api":"https://interlinea.aeterna-institute.org/api/v1/library/greek/hyperides/text-3/10","markdown":"https://interlinea.aeterna-institute.org/library/greek/hyperides/text-3/10.md","author":{"name":"Hyperides","url":"https://interlinea.aeterna-institute.org/library/greek/hyperides"},"work":{"title":"In Demosthenem","url":"https://interlinea.aeterna-institute.org/library/greek/hyperides/text-3","urn":"urn:cts:greekLit:tlg0030.tlg001"},"verse":false,"words":73,"text":"πρὸς δὲ τούτοις τούς τε μέλλοντας βοηθεῖν τοῖς φεύγουσι προδιαβάλλουσι καὶ αὐτοῦ τοῦ κρινομένου τὴν ἀπολογίαν διαστρέφουσιν· οἷον καὶ Ἀρίστων οὑτοσὶ ἐνεχείρησε ποιῆσαι ἐν τῇ κατηγορίᾳ, ὃς οὐδʼ ἀπολαύειν δίδωσι τῶν ἀναβαινόντων ὑπὲρ ἐμοῦ καὶ συναπολογησομένων. διὰ τί δʼ οὗτοι μὴ ἀπολογῶνται; πότερʼ οὐ δίκαιόν ἐστι τοῖς κρινομένοις τοὺς οἰκείους καὶ τοὺς φίλους βοηθεῖν; ἢ ἔστιν τι τῶν ἐν τῇ πόλει τούτου δημοτικώτερον, τοῦ τοὺς δυναμένους εἰπεῖν τοῖς ἀδυνάτοις τῶν πολιτῶν κινδυνεύουσι βοηθεῖν;","prev":{"citation":"In Demosthenem 9","label":"Section 9","url":"https://interlinea.aeterna-institute.org/library/greek/hyperides/text-3/9","api":"https://interlinea.aeterna-institute.org/api/v1/library/greek/hyperides/text-3/9"},"next":{"citation":"In Demosthenem 11","label":"Section 11","url":"https://interlinea.aeterna-institute.org/library/greek/hyperides/text-3/11","api":"https://interlinea.aeterna-institute.org/api/v1/library/greek/hyperides/text-3/11"},"credit":{"text":"Hyperides, Ἀπολογία ὑπὲρ Λυκόφρονος, ed. J. O. Burtt. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0030.tlg001.local001/","quality":"proofread"}}