{"kind":"section","lang":"grc","language":"Ancient Greek","title":"Pro Euxenippo 18","citation":"Hyperides, Pro Euxenippo 18","ref":"18","level":null,"urn":"urn:cts:greekLit:tlg0030.tlg003:18","url":"https://interlinea.aeterna-institute.org/library/greek/hyperides/text-5/18","api":"https://interlinea.aeterna-institute.org/api/v1/library/greek/hyperides/text-5/18","markdown":"https://interlinea.aeterna-institute.org/library/greek/hyperides/text-5/18.md","author":{"name":"Hyperides","url":"https://interlinea.aeterna-institute.org/library/greek/hyperides"},"work":{"title":"Pro Euxenippo","url":"https://interlinea.aeterna-institute.org/library/greek/hyperides/text-5","urn":"urn:cts:greekLit:tlg0030.tlg003"},"verse":false,"words":88,"text":"καὶ ἐὰν μέν τις ὡς ἔοικεν τῇ ἑαυτοῦ γυναικὶ πειθόμενος διαθήκας γράψῃ ἄκυροι ἔσονται, εἰ δʼ ἐγὼ τῇ Ἀθηνογένους ἑταίρᾳ ἐπείσθην, προσαπολωλέναι με δεῖ, ὃς ἔχω μεγίςτην βοήθειαν τὴν ἐν τῷ νόμῳ γεγραμμένην, ἀναγκασθεὶς ὑπὸ τούτων ταῦτα συνθέσθαι; εἶτα σὺ ταῖς συνθήκαις ἰςχυρίζῃ ἃς ἐνεδρεύσαντές με σὺ καὶ ἡ ἑταίρα σου ἐςημήνασθε, καὶ ὑπὲρ ὧν οἱ νόμοι βουλεύσεως ὑμᾶς κελεύουσιν αἰτίους εἶναι, ἐπὶ τούτοις προςλαμβάνειν τι ἀξιοῦτε. καὶ οὐχ ἱκανόν σοι ἦν τὰς τετταράκοντα μνᾶς εἰληφέναι ὑπὲρ τοῦ μυροπωλίου, ἀλλὰ καὶ πέντε τάλαντα προσαφείλου με ὥσπερ ὑπο κατειλημμένον","prev":{"citation":"Pro Euxenippo 17","label":"Section 17","url":"https://interlinea.aeterna-institute.org/library/greek/hyperides/text-5/17","api":"https://interlinea.aeterna-institute.org/api/v1/library/greek/hyperides/text-5/17"},"next":{"citation":"Pro Euxenippo 19","label":"Section 19","url":"https://interlinea.aeterna-institute.org/library/greek/hyperides/text-5/19","api":"https://interlinea.aeterna-institute.org/api/v1/library/greek/hyperides/text-5/19"},"credit":{"text":"Hyperides, Κατ᾽ Ἀθηνογένους, ed. J. O. Burtt. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0030.tlg003.local001/","quality":"proofread"}}