{"kind":"section","lang":"grc","language":"Ancient Greek","title":"Pro Lycophrone 12","citation":"Hyperides, Pro Lycophrone 12","ref":"12","level":null,"urn":"urn:cts:greekLit:tlg0030.tlg002:12","url":"https://interlinea.aeterna-institute.org/library/greek/hyperides/text-6/12","api":"https://interlinea.aeterna-institute.org/api/v1/library/greek/hyperides/text-6/12","markdown":"https://interlinea.aeterna-institute.org/library/greek/hyperides/text-6/12.md","author":{"name":"Hyperides","url":"https://interlinea.aeterna-institute.org/library/greek/hyperides"},"work":{"title":"Pro Lycophrone","url":"https://interlinea.aeterna-institute.org/library/greek/hyperides/text-6","urn":"urn:cts:greekLit:tlg0030.tlg002"},"verse":false,"words":66,"text":"ἔπειτα δέ, ὥσπερ τοῖς τῶν ψευδομαρτυρίων δὶς ἡλωκόσιν δεδώκατε ὑμεῖς τὸ τρίτον μὴ μαρτυρεῖν μηδʼ οἷς ἂν παραγένωνται, ἵνα μηδενὶ τῶν πολιτῶν ᾖ τὸ ὑμέτερον πλῆθος αἴτιον τοῦ ἠτιμῶσθαι, ἀλλʼ αὐτὸς αὑτῷ, ἂν μὴ παύηται τὰ ψευδῆ μαρτυρῶν, οὕτω καὶ τοῖς ἡλωκόσι παρανόμων ἔξεστιν μηκέτι γράφειν, εἰ δὲ μή, δῆλόν ἐστιν ὅτι ἰδίου τινὸς ἕνεκα τοῦτο ποιοῦσιν· ὥστε οὐκ οἴκτου οἱ τοιοῦτοι ἄξιοί εἰσιν, ἀλλὰ τιμωρίας.","prev":{"citation":"Pro Lycophrone 11","label":"Section 11","url":"https://interlinea.aeterna-institute.org/library/greek/hyperides/text-6/11","api":"https://interlinea.aeterna-institute.org/api/v1/library/greek/hyperides/text-6/11"},"next":{"citation":"Pro Lycophrone 13","label":"Section 13","url":"https://interlinea.aeterna-institute.org/library/greek/hyperides/text-6/13","api":"https://interlinea.aeterna-institute.org/api/v1/library/greek/hyperides/text-6/13"},"credit":{"text":"Hyperides, Κατὰ Φιλιππίδου, ed. J. O. Burtt. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0030.tlg002.local001/","quality":"proofread"}}