{"kind":"section","lang":"grc","language":"Ancient Greek","title":"Pro Lycophrone 9","citation":"Hyperides, Pro Lycophrone 9","ref":"9","level":null,"urn":"urn:cts:greekLit:tlg0030.tlg002:9","url":"https://interlinea.aeterna-institute.org/library/greek/hyperides/text-6/9","api":"https://interlinea.aeterna-institute.org/api/v1/library/greek/hyperides/text-6/9","markdown":"https://interlinea.aeterna-institute.org/library/greek/hyperides/text-6/9.md","author":{"name":"Hyperides","url":"https://interlinea.aeterna-institute.org/library/greek/hyperides"},"work":{"title":"Pro Lycophrone","url":"https://interlinea.aeterna-institute.org/library/greek/hyperides/text-6","urn":"urn:cts:greekLit:tlg0030.tlg002"},"verse":false,"words":73,"text":"εἶτα περὶ καιρῶν αὐτίκα δὴ τολμήσετε λέγειν τοὺς κατὰ τῆς πόλεως καιροὺς [οὐ] παραφυλάξαντες; καὶ τὰ παιδία ἥκεις ἔχων εἰς τὸ δικαστήριον, καὶ ἀναβιβάσας αὐτίκα δὴ ἀξιώσεις ὑπὸ τούτων ἐλεεῖσθαι; ἀλλʼ οὐ δίκαιον· ὅτε γὰρ ἡ πόλις ὑπὸ τῶν ἄλλων ᾠκτείρετο διὰ τὰ συμβάντα, τόθʼ ὑφʼ ὑμῶν ἐξυβρίζετο. καίτοι οὗτοι μὲν τὴν Ἑλλάδα σῴζειν προελόμενοι ἀνάξια τῶν φρονημάτων ἔπασχον, σὺ δὲ τὴν πόλιν εἰς τὰς ἐσχάτας αἰσχύνας ἀδίκως καθιστὰς νυνὶ δικαίως τιμωρίας τεύξῃ.","prev":{"citation":"Pro Lycophrone 8","label":"Section 8","url":"https://interlinea.aeterna-institute.org/library/greek/hyperides/text-6/8","api":"https://interlinea.aeterna-institute.org/api/v1/library/greek/hyperides/text-6/8"},"next":{"citation":"Pro Lycophrone 10","label":"Section 10","url":"https://interlinea.aeterna-institute.org/library/greek/hyperides/text-6/10","api":"https://interlinea.aeterna-institute.org/api/v1/library/greek/hyperides/text-6/10"},"credit":{"text":"Hyperides, Κατὰ Φιλιππίδου, ed. J. O. Burtt. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0030.tlg002.local001/","quality":"proofread"}}