{"kind":"section","lang":"grc","language":"Ancient Greek","title":"Epitaphius 35","citation":"Hyperides, Epitaphius 35","ref":"35","level":null,"urn":"urn:cts:greekLit:tlg0030.tlg006:35","url":"https://interlinea.aeterna-institute.org/library/greek/hyperides/text/35","api":"https://interlinea.aeterna-institute.org/api/v1/library/greek/hyperides/text/35","markdown":"https://interlinea.aeterna-institute.org/library/greek/hyperides/text/35.md","author":{"name":"Hyperides","url":"https://interlinea.aeterna-institute.org/library/greek/hyperides"},"work":{"title":"Epitaphius","url":"https://interlinea.aeterna-institute.org/library/greek/hyperides/text","urn":"urn:cts:greekLit:tlg0030.tlg006"},"verse":false,"words":78,"text":"ἀλλὰ μὴν ὅτι παρʼ ἡμῖν καὶ τοῖς λοιποῖς πᾶσιν εὐδοκιμεῖν αὐτοὺς ἀναγκαῖον, ἐκ τούτων φανερόν ἐστιν· ἐν Ἅιδου δὲ λογίσασθαι ἄξιον, τίνες οἱ τὸν ἡγεμόνα δεξιωσόμενοι τὸν τούτων. ἆρʼ οὐκ ἂν οἰόμεθα ὁρᾶν Λεωσθένη δεξιουμένους καὶ θαυμάζοντας τῶν ἡμιθέων καλουμένων τοὺς ἐπὶ Τροίαν στρατεύσαντας, ὧν οὗτος ἀδελφὰς πράξεις ἐνστησάμενος τοσοῦτον διήνεγκε, ὥστε οἱ μὲν μετὰ πάσης τῆς Ἑλλάδος μίαν πόλιν εἷλον, ὁ δὲ μετὰ τῆς ἑαυτοῦ πατρίδος μόνης πᾶσαν τὴν τῆς Εὐρώπης καὶ τῆς Ἀσίας ἄρχουσαν δύναμιν ἐταπείνωσεν.","prev":{"citation":"Epitaphius 34","label":"Section 34","url":"https://interlinea.aeterna-institute.org/library/greek/hyperides/text/34","api":"https://interlinea.aeterna-institute.org/api/v1/library/greek/hyperides/text/34"},"next":{"citation":"Epitaphius 36","label":"Section 36","url":"https://interlinea.aeterna-institute.org/library/greek/hyperides/text/36","api":"https://interlinea.aeterna-institute.org/api/v1/library/greek/hyperides/text/36"},"credit":{"text":"Hyperides, Ἐπιτάφιος, ed. J. O. Burtt. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0030.tlg006.local001/","quality":"proofread"}}