{"kind":"section","lang":"grc","language":"Ancient Greek","title":"De Aristarcho 25","citation":"Isaeus, De Aristarcho 25","ref":"25","level":null,"urn":"urn:cts:greekLit:tlg0017.tlg010:25","url":"https://interlinea.aeterna-institute.org/library/greek/isaeus/text-2/25","api":"https://interlinea.aeterna-institute.org/api/v1/library/greek/isaeus/text-2/25","markdown":"https://interlinea.aeterna-institute.org/library/greek/isaeus/text-2/25.md","author":{"name":"Isaeus","url":"https://interlinea.aeterna-institute.org/library/greek/isaeus"},"work":{"title":"De Aristarcho","url":"https://interlinea.aeterna-institute.org/library/greek/isaeus/text-2","urn":"urn:cts:greekLit:tlg0017.tlg010"},"verse":false,"words":54,"text":"ἀλλὰ γάρ, ὦ ἄνδρες, οὐχ ἱκανόν ἐστι Ξεναινέτῳ τὸν Ἀριστομένους οἶκον καταπεπαιδεραστηκέναι, ἀλλὰ καὶ τοῦτον οἴεται δεῖν τὸν αὐτὸν τρόπον διαθεῖναι. ἐγὼ δʼ, ὦ ἄνδρες δικασταί, βραχείας οὐσίας ὑπαρξάσης ἀδελφὰς μὲν ἐξέδωκα, ὅσα ἐδυνάμην ἐπιδούς, κόσμιον δʼ ἐμαυτὸν παρέχων καὶ ποιῶν τὰ προσταττόμενα καὶ τὰς στρατείας στρατευόμενος ἀξιῶ τῶν τῆς μητρὸς πατρῴων μὴ ἀποστερηθῆναι.","prev":{"citation":"De Aristarcho 24","label":"Section 24","url":"https://interlinea.aeterna-institute.org/library/greek/isaeus/text-2/24","api":"https://interlinea.aeterna-institute.org/api/v1/library/greek/isaeus/text-2/24"},"next":{"citation":"De Aristarcho 26","label":"Section 26","url":"https://interlinea.aeterna-institute.org/library/greek/isaeus/text-2/26","api":"https://interlinea.aeterna-institute.org/api/v1/library/greek/isaeus/text-2/26"},"credit":{"text":"Isaeus, Πρὸς Ξεναίνετον περὶ τοῦ Ἀριστάρχου κλήρου, ed. Edward Seymour Forster. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0017.tlg010.local001/","quality":"proofread"}}