{"kind":"section","lang":"grc","language":"Ancient Greek","title":"De Astyphilo 7","citation":"Isaeus, De Astyphilo 7","ref":"7","level":null,"urn":"urn:cts:greekLit:tlg0017.tlg009:7","url":"https://interlinea.aeterna-institute.org/library/greek/isaeus/text-3/7","api":"https://interlinea.aeterna-institute.org/api/v1/library/greek/isaeus/text-3/7","markdown":"https://interlinea.aeterna-institute.org/library/greek/isaeus/text-3/7.md","author":{"name":"Isaeus","url":"https://interlinea.aeterna-institute.org/library/greek/isaeus"},"work":{"title":"De Astyphilo","url":"https://interlinea.aeterna-institute.org/library/greek/isaeus/text-3","urn":"urn:cts:greekLit:tlg0017.tlg009"},"verse":false,"words":85,"text":"Μαρτυρία ἐπειδὴ τοίνυν, ὦ ἄνδρες, οὔτε παραγενόμενος οὐδεὶς ἔτυχε τῶν οἰκείων ὅτε ὁ ἀδελφὸς ἐτελεύτησεν, οὔτε ἐγὼ ἐπεδήμουν ὅτε τὰ ὀστᾶ αὐτοῦ δεῦρο ἐκομίσθη, ἀναγκαῖόν μοί ἐστιν ἐξ αὐτῶν ὧν οὗτοι λέγουσιν ἐλέγχειν ψευδεῖς οὔσας τὰς διαθήκας [ἃς ἐποιήσαντο]. εἰκὸς γὰρ ἐκεῖνον οὐ μόνον ἐπιθυμεῖν ὑὸν ποιησάμενον καταλιπεῖν, ἀλλὰ καὶ σκοπεῖσθαι ὅπως κυριώτατα ἔσται ἃ ἂν διαθῆται, καὶ τήν τε οὐσίαν, ὃν ἂν ἐκεῖνος εἰσποιήσηται, οὗτος ἕξει, καὶ ἐπὶ τοὺς βωμοὺς τοὺς πατρῴους οὗτος βαδιεῖται, καὶ τελευτήσαντι αὐτῷ καὶ τοῖς ἐκείνου προγόνοις τὰ νομιζόμενα ποιήσει·","prev":{"citation":"De Astyphilo 6","label":"Section 6","url":"https://interlinea.aeterna-institute.org/library/greek/isaeus/text-3/6","api":"https://interlinea.aeterna-institute.org/api/v1/library/greek/isaeus/text-3/6"},"next":{"citation":"De Astyphilo 8","label":"Section 8","url":"https://interlinea.aeterna-institute.org/library/greek/isaeus/text-3/8","api":"https://interlinea.aeterna-institute.org/api/v1/library/greek/isaeus/text-3/8"},"credit":{"text":"Isaeus, Περὶ τοῦ Ἀστυφίλου κλήρου, ed. Edward Seymour Forster. Text: Perseus Digital Library, via The Greek Library, CC BY-SA 4.0. Changes: apostrophes normalised and the text divided into reading sections by Interlinea.","license":"CC BY-SA 4.0","licenseUrl":"https://creativecommons.org/licenses/by-sa/4.0/","source":"https://thegreeklibrary.pages.lisn.upsaclay.fr/works/tlg0017.tlg009.local001/","quality":"proofread"}}